Chiuta Dada, Buku la Msambizgi

/ 2 8 3

CHIUTA DADA

Mukuwerezga vilingwa na basambiri binu, woneseskani nyengo zose kuti fundo zikuruzikuru izo mafumbo gharongoranga, mwazikora makora. Chakuzirwa chomene ntchakuti mukwenera kumanya kuti vilingwa vili na ulato wakuti basambiri baweleremo ivyo basambira na kutiso muwone apo bali na suzgo. Uneneso uwo wuli muvisambizgo ndiwo ngwakuzirwa chomene kuti basambiri bawumanye. Usange bangamanya unenesko uwo ukuvumbukwa muchisambizgo ndikuti bangamanya kovwirika makora kutebetera kwawo. Chigaba chakukhwasiskana chikulabiska pa ubapo wa Chiuta na umo wakuwusira pa chilengiwa chikulabiska na umo fundo ya ubapo wa Chiuta na umo wakuwusira pa vinthu vyose mucharu. Banthu banandi awo bakutebetera Chiuta bakuwona makani gha ubapo wa Chiuta kuba ghanono chomene kughapulikiska chifukwa cha mawunonono ghanandi agho bakukumana nagho mukutebeta kwawo. Kusambira za ubapo wa Chiuta kwa banthu bantheura kukukhwaska chomene kuzgora mafumbo ghakukhwaskana na kuzura kwa kwananga mucharu na kufumba ubapo wa Chiuta. Fufuzani pamoza na basambiri binu fundo za kusavya kwa Chiuta nga ndi chinthu chakurongozgera kukusangika kwa Chiuta mucharu. Ulato winu muchigaba ichi ngwakuti basambiri bapulikiske ndondomeko yachisambizgo cha kusavya kwa Chiuta kufumira mu Baibulo. Munthowa zinyake mukwenera kuwona maunonono agho banthu bakukumana nagho pakukhumba kupulikiska makani gha kusavya kwa Chiuta. Ntchakusuzga chomene kupulikiska kuti mu vyose ivyo vikuchitika, viheni na viweme, Chiuta wali na ulato wakwiziska vinthu vyose kumuwuso wake na kufiska khumbiro lake. Ulato ukuru chomene ngwakukhazikiska ufumu wake pacharu (Baefeso 1. 9-11; Bakolose. 1. 19-20). Vwirani basambiri binu kuweleramo fundo zikuruzikuru zamuchisambizgo. Bikanipo mtima pakuwoneseska kuti basambiri bapulikiska mazgoro kwakuyana na mafumbo agho bafumbika. Kuweleramo uku nkhwakovwira chomene basambiri binu kuti bapulikiske makora ivyo basambira. Gwiriskani makora nyengo yinu pakuyigaba makora mwakuti chigaba chili chose chipike mwabi na nyengo yakukwanira.

 3 Peji 48 Vilingwa

 4 Peji 48 Kukhwasiskana

 5 Peji 56 Mafumbo gha basambiri na vyakurondezgapo vyake