Chiuta Dada, Buku la Msambizgi

2 8 4 /

CHIUTA DADA

Mukuweleramo na basambiri binu, woneseskani kuti mukupereka mwabi kubasambiri binu kuweleramo fundo zikuruzikuru izo basambira pa mutu wa kusavya kwa Chiuta. Pali wupu wa banthu awo bakukana kuti Chiuta waliko (atheistic) or (materialistic view) ndipo charu chapasi ntchamuyirayira. Kaghanaghaniro aka nkhakutchuka chomene ndipo kali na fundo yakuti charu chili kujilenga chekha, mwa icho ndimo muli kufumira kuchanya na pasi. Pali wupu wa banthu awo bakugomezga kuti chinthu chili chose ndi Chiuta ndipo Chiuta ndi chili chose (The pantheistic view) . Kaghanaghaniro aka kali na fundo yakuti chilengiwa chili ngati chakuvwara cha Chiuta, mweneuyo ndi mzimu wa chilengiwa ndipo chilengiwa ndi thupi la chiuta. Mukaghanaghaniro aka chiuta ndi chilengiwa mwakuti pali mphambano yichoko chomene kapati pa iyo na chilengiwa. Pali kaghanaghaniro ako kakugomezga kuti Chiuta waliko ndipo ndiyo wali kulenga vyose (The deistic view) kwene wali kuchijowora chilengiwa na kuchileka mwakuti chikujendeska chekha kwambura iyo kukhwaskikako. Chiuta wali kulenga charu na kuchileka waka kuti chijendeskenge pasi pa ndondomeko izo wali kubikako na kuzileka waka ntheura. Munthu wali na wanangwa wose ndipo walije chakumukora panji kumukanizga umo wangachitira.” Chiuta wali ngati ndi munthu mweneuyo wali kupanga nyengo. Nga ndi umo wakupanga nyengo (nkholoko) wali kuyipanga na kuyipa nkhongono zakuti yendenge na kuyileka kuti yendenge nga ndi umo yingendera kwambura iyo kutorapo lwande na umo yikwendera, ndimoso Chiuta waliri. Chiuta wali kulenga charu na banthu ndipo walije chakuchitapo nawo. Chili chose chikwenda nga ndi umo wali kuvibikirako. Chisopo cheneko kwakuyana na kaghanaghaniro aka ndi ako kakufumira mukabiro ka chilengiwa. Umo charu chikwendera na umo vinthu viliri ndi vyakukwanira kumupa munthu chisopo. Nkhani zose za viyelezgero zikupenjerezga kubika pakweru ghanji mwa maghanoghano agho ghakukana kuti Chiuta waliko ndipo ndi musavyi wa chilengiwa. Munyengo iyo muli chigaruka na zimphindano zikuru na kumugarukira Chiuta, ntchinonono chomene kuzomerezga kuti Chiuta ndi muwusi wa vinthu vyose. Umaliro wakubika kaghanaghaniro kantheura ngwakuti tikwenera kufumba makora kuti kasi Chiuta wakuwusa wuli. Kudumbirana fundo

 6 Peji 66 Mafumbo gha basambiri

 7 Peji 69 Nkhani za viyelezgero