Chiuta Mwana, Buku la Msambizgi

1 0 6 /

CHIUTA MWANA

Yesu, Mesiya na Fumu pavyose: Wakafwa Chigaba chachibiri: Maghanoghano ghakupambanapambana pa nyifwa ya Yesu

Rev. Dr. Don L. Davis

Nyifwa ya Yesu yakhara yikupulikiskika mwakupambanapambana mumbiri ya chikhristu. Fundo zose izi pa kujipereka kwa Yesu Khristu (atonement) zikulabiska mphepete zakupambanapambana pa nkhani ya chiponosko, ndipo usange zose zalabiskika pamoza, zikupereka kupulikiska makora kwa fundo ya chiponosko chithu. Nyifwa ya Yesu Khristu na ching’anamuro chake yapulikiskika mwantheura 1) kuba chiyelezgero, 2) chilongolero cha chitemwa cha Chiuta, 3) chilongolero cha urunji wa Chiuta, 4) chatonda wa nknongo za Satana na kwananga, ndipo 5) chakufiska cha ntchindi za Chiuta. Nanga wuli fundo zose izi, palije iyo yikuphara mwakufikapo za nyifwa ya Yesu Khristu, fundo yili yose yili na unenesko uwo ngwakovwira kuti tipulikiske unenesko uwo wulipo pa ching’anamuro cha nyifwa ya Yesu kwa ise. Ulato withu muchigaba ichi, Maghanoghano ghakupambanapambana pa nyifwa ya Yesu Khristu, ngwakuti mumanye kuwona ivi: • Nyifwa ya Yesu yakhara yikupulikiskika mwakupambanapambana mu mbiri ya chikhristu. • Fundo zakupambanapambana pa nkhani ya kujipereka kwa Yesu Khristu kufiwira banthu (atonement) izo zakhara zikuyowoyeka mu mpingo munyengo zose zajumpha zikulabiska pa nkhani ya chiponosko ndipo usange zose zatoreka pamoza zikutovwira kupulikiska makora na kulabiska mwakuwonga mulimo uwo Yesu wali kuchita pakufwa pa mphinjika. • Fundo zinyake zikuruzikuru pa nkhani ya nyifwa ya Yesu zikulabiska pakuwona nyifwa ya Yesu ngati 1) chiyelezgero, 2) Chilongolero cha chitemwa cha Chiuta, 3) chilongolero cha urunji wa Chiuta, 4) chatonda wa muwuso wa Satana na nkhongono zake, 5) chakufiska ntchindi za Chiuta. • Nanga wuli fundo zose izi, palije iyo yikuphara mwakufikapo za nyifwa ya Yesu Khristu, fundo yili yose yili na unenesko uwo ngwakovwira kuti tipulikiske unenesko uwo wulipo pa ching’anamuro cha nyifwa ya Yesu kwa ise.

Chigaba chachibiri mwawufupi

3