Chiuta Mwana, Buku la Msambizgi

Chiuta Mwana Kabiro na milimo ya Yesu wa ku Nazareti ndi vinthu ivyo vikudumbika chomene pakati pa bakhristu, muvisambizgo na muwutebeti. Ntchakusuzga chomene kuti banthu bapharazge Yesu usange kabiro kake kali kujinthika pa vinthu vyambura kupulikiskika na kuzomerezgeka pakati pa bakupulikana. Usange banthu bakutondeka kupulikiska icho wakaba, wali na umo mlimo wake ukabira na umo ise tikumuwonera kuno kulero. Vinthu vyose vili pachofyo pakawonero kithu ka umo iyo waliri chifukwa ndicho chitopoko na ntchindamira ya kalabiskiro na kupulikiskiro kithu ka umoyo, nyifwa yake, chiuka chake, na kukwera kwake kuluta kuchanya na apo wakuweraso. Buku ili likulongora uchindami wake, milimo yake na kumovwirani kukoreska icho Baibulo likusambizga na umo iye waliri ndipo ivi ndi vinthu vyakuzirwa chomene kuwose awo bakusambira kuba basambiri bake na kumutebetera iye. Muchisambizgo chakuzirwa ichi tikwenera kughanaghanira pakudankha kuzirwa kwa chipulikano cha bapostole apo tikusambira na za Chiuta Mwana (Christology), chomenemene umo chisambizgo chikuperekera na kuwoneska umo Khristu waliri na milimo yake: kukomwa kwake (wunthu wake, kufwa kwake pa mphinjika chifukwa cha ise) kuthuwuskika kwake (kuwuka kwake, kukwera kwake na chigomezgo chakwizaso kwake munkhongono zake). Tikusanda wunthu wa Yesu Khristu na kabiro ka ubiri ako kakaba mwa iyo: kutivumbulira ise uchindami wa Dada na kutiponoska kukwananga na nkhongono za Satana. Tikulabiska visambizgo vya utesi vikuruvikuru ivyo vikususka wunthu wa Yesu Khristu, na kulabiska nkhongono izo zili na kabiro ka wunthu wa Yesu pa masambiro gha vya wu Chiuta. Tilabiskenge pa kuyuyurika na kuchomboreka uko kukamchitikira Yesu na Kaghanaghaniro kakupambanapambana pa makani gha kuwombokwa kwa banthu ako kakukhwaska nyifwa yake. Pa umaliro, tilabiskenge vigaba vibiri ivyo vikukhwaska kuthuwuskika kwa Yesu, kuzguka kwake kubakufwa na kukwera kwake kuya ku ba Dada. Tijarenge masambiro ghithu pakulabiska makani gha kwizaso kwake mu uchindami wake, kweruzga kwake vyaru vyose na kuwusa kwake nga ndi Fumu mu Ufumu wa Chiuta.

Visambizgo Vya Mlongozgi

Rev. Dr. Don L. Davis, (Ph.D., U of Iowa) ndi mlongozgi mulara wa utebeti wa The Urban Ministry Institute, weneuwo ndi utebeti wa World Impact. Wakutebetaso nga wachitengo wachibiri wa wupu wa World Impact. TUMI ndi wupu uwo wuli kujipereka kuwutebeti wakupanda mipingo mucharu chose na kuvwira pakupereka umanyi kubalara ba mipingo na balongozgi mwakuti balutiske munthazi Ufumu wa Chiuta. World Impact ndi wupu wa chikhristu wa bakutumika kuya kaphazga uthenga wa chiponosko. Ulato withu ngwakuguzira banthu banandi kuwumanyi wa umo bangatandazgira uthenga wa chiponosko na kupanda mipingo mucharu chose chapasi.

www.worldimpact.org • www.tumi.org