Chiuta Mwana, Buku la Msambizgi

/ 1 1 9

CHIUTA MWANA

Paumaliro

» Mumbiri ya Mpingo maghanoghano ghakupambanapambana pa nkhani ya nyifwa ya Yesu ghali kuperekeka na kudumbika. » Pali kaghanaghaniro kankhonde ako kandana chomene mumbiri ya Mpingo, kaghanaghaniro kali kose kali na unenesko pa nkhani ya nyifwa ya Yesu. » Nyifwa ya Yesu yikupereka chiyerezgero kwa ise umo tingajiperekera kwa Chiuta, yikulongora chitemwa cha Chiuta kwa ise, yikulongora urunji wakufikapo wa Chiuta, yikutonda nkhongono za kwananga na uheni wose, yikukondweska na kutuniska ukari wa Chiuta, na kugumaniska Chiuta na banthu bake. » Palije kaghanaghaniro kamoza pa kekha ako nkhakupulikikwa kujumpha kanyake. Maghanoghano ghose ghali na unenesko. Mafumbo agha ghali kubikikako mwakuti ghamovwireni kuweleramo viyo mwasambira. Chakuzirwa chomene ntchakuti mumanye maghanoghano gha banthu pa nkhani ya nyifwa ya Yesu Khristu na kumanya kughalinga na Mazgu gha Chiuta. Tebeteskani mafumbo agha pakumovwirani kupulikiska fundo izi. Apo mukuzgora mafumbo agha woneseskani kuti mukutebeteska Baibulo pakupereka upanikizgi na ukaboni winu. 1. Kasi ndi munthowa wuli izo nyifwa ya Yesu Khristu yikuba chiyelezgero kwa ise? Kasi ntchifukwa wuli nyifwa ya Yesu Khristu yikwenera kuba waka chiyelezgero kwa ise chara? 2. Longosorani makora umo nyifwa ya Yesu Khristu yikuperekera chiyelezgero cha chitemwa cha Chiuta kwa ise? 3. Kasi nyifwa ya Yesu Khristu yikulongora wuli urunji wakufikapo wa Chiuta na kuwusa kwake pa chilengiwa? Kasi ntchifukwa wuli kaghanaghaniro aka nkhakukwanira chara pakuphara mwakufikapo za nyifwa ya Yesu Khristu? 4. Kasi nyifwa ya Yesu Khristu yikupereka wuli kutonda pa nkhongono za Satana, uheni, na nyifwa? Kasi kaghanaghaniro aka, nga ndi ghaliri maghanoghano ghanyake, kangatoreka kuba kaghanaghaniro kekha kakufikapo mwakujumpha kaghanaghaniro kali kose ako kaliko pa nyifwa ya Yesu Khristu?

3

Kuweleramo Chigaba chachibiri

Mafumbo gha basambiri na mazgoro ghake