Chiuta Mwana, Buku la Msambizgi

/ 1 3 1

CHIUTA MWANA

vyawanangwa vyake ku banthu mwakuti bamanye kumuyimira mucharu. Kwa iwo Yesu wakaba nadi Fumu. Panyengo yili yose, wangiza (kwakuyana na khumbiro na languro la baDada) mwakuti wizakamalizge mulimo uwo wali kuwuyamba kale pacharu. Bakaba na umanyi wakuti Yesu wizengeso ( eschatological community). Kaghanaghaniro kawo kose kakajinthika pafundo yakuti kendeskero ka charu kasinthika ndipo nyengo yakusinthika kwa vinthu yaneng’enera ndipo nyengo iyi yili pafupi chomene kuti yifiskike. Dazi lili lose lingaba dazi lake. “Padera pa ichi, mukumanya nyengo, kuti nyengo yakuti muwuke muturo. Pakuti chiponosko chili pafupi kwa ise kujumpha apo tikapulikana.” Masomphenya ghawo ghakaba ghakuti Yesu ndiyo ndi Mesiya, wakafwa na kuwuka kubakufwa mwakuti wawoneske mlimo wa Chiuta pa charu, wakakwelera kuchanya ndipo wizengeso kuzakhazikiska ufumu wa Chiuta pa charu na kuwusa nga ndi Fumu. Masomphenya agha ghakuwuskira muchanya kaghanaghaniro kawo na kuthukizga mitima yawo, ghakabasungilira mukuyezga kwawo kose, kuwuskira muchanya mwamphu wakuruta kuvigoti vya charu vya panyengo yawo na uthenga uweme wa Yesu Khristu. Ndi maso mphenya ghakupereka nkhongono, kusintha banthu na kuwuskira banthu muchanya weneuwo ngakukhumbikira kuti tighasange munyengo yithu iyi. Ivyo tikukhumbikwa takutebetera Chiuta munyengo yasono ndi vyakuti nkhumbi zithu ziwukire muchanya pakulabiska masomphenya agha. Ndi maso mphenya agho ghangamanya kusintha umoyo withu pakatebetero kithu. Ntchakusuzga kuchiska na kugoska mitima ya banthu kuwutebeti apo ise mitima yithu njakufwa. Kasi imwe mukupanikizga kuti Yesu ndi Mesiya, kuti wakafwa chifukwa cha zakwananga zithu, ndipo wakawuka kubakufwa pakati pajumpha mazuba ghatatu? Kasi mukupulikana kuti wakakwelera kuchanya kwa Chiuta Dada ndipo wizengeso munkhongono na uchindami kuzakamalizga mlimo wake pacharu? Kasi nkhani iyi yikusintha mtima winu na mwamphu winu mwakuti mukukhumbisiska kujipereka na kupatukana na kali kose mwakuti muwone makani agha ghakufiskika kucharu chose chapasi? Ndi masomphenya agha pera agho ghandamanya kupereka nkhongono zakuti banthu balute munthazi pakuphara makani gha chiponosko kubanthu wose. Iko tikwenera kughakoleska na mtima wose ndipo ghabuske moto mukati mwithu.

4