Chiuta Mwana, Buku la Msambizgi

/ 2 8 1

CHIUTA MWANA

Pemphero ndi chimoza mwa vinthu vya nkhongono chomene muvisambizgo vyose, utebeti na kusambira kuli kose. Lekani kuchefya nkhongono ya lurombo ndipo yezgani kubikapo nyengo yakuromba pamoza na basambiri binu nyengo zose. Labiskani umo Mazgu gha Chiuta ghakusambizgira za Yesu Khristu kufumira mu mavesi agha: 1 Yohane 2.20-21 - Kweni imwe muli kuphakazgika na Mutuŵa Yura, ndipo mose mukumanya. 21Nkhumulemberani imwe, kuti nchifukwa chakuti mukuwura kumanya unenesko chara, kweni nchifukwa chakuti muli kumanya nadi, ndiposo mukumanya kuti utesi wose ukufumira ku unenesko chara. 1 Yohane 2.27 - 7Kweni imwe, Khristu wali kumupungulirani kale Mzimu, uyo wakukhara mwa imwe, ndipo kukukhumbikwa chara kuti munthu wamusambizgani. Pakuti Mzimu ndiyo wakumusambizgani vyose, ndipo ivyo wakusambizga nvya kuneneska, kuti nvya utesi chara. Ntheura pulikirani kusambizga kwa Mzimu na kukhalirira mwa Khristu. Yohane 14.26 - Kweni Msanguruski, Mzimu Mutuŵa, mweneuyo Ŵadada ŵamkumutuma mu zina lane, ndiyo wizamkumusambizgani vinthu vyose, na kumukumbuskani vinthu vyose ivyo ndamuyowoyerani. Yohane 16.13 - Kweni para wiza iyo Mzimu wa unenesko, ndiyo wizamkumurongozgani mu unenesko wose. Chifukwa kuti wati wayowoye pa iyo yekha chara, kweni wati wayowoye vyose ivyo wakupulika. Ndipo wizamkumuphalirani vinthu ivyo vikwenera kwiza. Lekani kutora lurombo kuba chinthu chambura kwenelera vibi, ntheura kufumba basambiri usange bakukhumbika lurombo pa iwo bekha panji kumurombera munthu munyake, ntchinthu chakwenelera chomene. Lurombo ndakukhumbikwa chomene ndipo ndakovwira chomene pa mlimo wakumtebetera Chiuta. Tikwenera kuromba kuti Mzimu Mtuba watovwire apo tikusambira na apo tikumutebetera Chiuta.

 8 Peji 83

Kuvwirika na kurombereka