Chiuta Mwana, Buku la Msambizgi

/ 3 9

CHIUTA MWANA

waponoske tabanthu kukwananga. Apa pali fundo za unenesko izo tapereka kufumira muchisambizgo ichi. ³ Chipulikano cha Bapostole chili na ukaboni wose kwa ise na umo Baibulo likuyowoyera na za Yesu (Christology) ³ Chisambizgo chakumusambira Yesu (Christology) ntchakuzirwa chomene mumasambiro ghithu nga mbalongozgi mu mpingo, chomenemene na umo chikutivwilira pakujintha kapulikiskiro kithu ka nkhani ya chikhristu na chipulikano chithu. ³ Chipulikano cha Bapostole chikuzenga kaghanaghaniro kithu pa umunthu wa Yesu Khristu na milimo yake, chomenemene muvigaba vibiri: kuyuyurika kwake (i.e., kuzgoka kwake kuba munthu na kufwa pa mphinjika) na kukwezgeka kwake (kuzguka kwake, kukwera kwake, na chigomezgo cha kwizaso kwake muwuchindami wake mucharu). ³ Nthowa yipya pa masabiro ghakumusambira Yesu (Christology) ghangakhozga balongozgi ba mipingo mwakuti balongozge makora na kuphara uthenga wachiponosko kubanthu mwakwenelera, na kupereka ukaboni wa chitemwa cha Chiuta kubanthu. ³ Mazgu gha Chiuta ghakusambizga mwakufikapo kuti Yesu wa ku Nazareti, pambere wandize mucharu, wakabako chiyamwaka nga njumoza wa wutatu, (preexistent Word or Logos). Chisambizgo ichi chikukhozgeka mu chipulikano cha Bapostole, ntchindamira ya vyakulembeka vya mwaka umo tikusangamo nkhani ya umo Yesu wakabira lilo mwaka pambere wandize mucharu. ³ Ubapo wa Yesu (preexistence) na umunthu wake vikuyowoyeka munthowa zitatu zakukoleranako mu Mazgu gha Chiuta, chakwamba, Yesu ndi Mwana wa Chiuta, munthu wa uzimu wakuyana waka na Chiuta, nga ndi umo zikachimira ntchimi muchipangano chakare. Kweniso nga ndi umo wakizira mucharu kwizira mwa mwanakazi (Incarnate), Mazgu mweneuyo wakiza na kutora thupi, Chiuta Munthu. ³ Usange tikukana umunthu na uChiuta wa Yesu panji kuleka kupulikiskika, chisambizgo ntchautesi. Visambizgo vibiri vya utesi pa uChiuta wa Yesu, ndi Ebionism na Arianism, vyose vibiri vikukana kuti Yesu ndi Chiuta Mwana. ³ Kupulikiska, kukhozga na kukondwelera uChiuta wa Yesu ntchinthu chapakatikati pa chisopo chithu na kuba basambiri ba Yesu. Kuphara unenesko wa Yesu nga ndi mwana wa Chiuta kukulutilira kuba kwakuzirwa muchigaba chili chose cha chipulikano chithu na kuchitira ukaboni kwithu kucharu.

1