Chiuta Mwana, Buku la Msambizgi

4 2 /

CHIUTA MWANA

Yesu Yekha

Banthu banji bakaluta kukachezga kumpingo unyake ndipo bakakawona ulato wa mpingo uwu. Mpingo uwu ukaphara pakweru kuti ulato wawo wuli kuyima na kujinthika pa umunthu, milimo na uChiuta wa Yesu Khristu. Mipingo yose iyo yikutebeta pamoza nawo yikukoleranako na fundo izi. Mipingo yinyake yili kwamba kubasuska chifukwa cha fundo iyi. Mipingo iyi yikubasuska chifukwa chakuti bakulabiska pa Yesu pera kwambura kulabiska pa vinthu vinji ivyo Baibulo likusambizga. Bakubasuska chifukwa bakwezga Yesu pera ( Christomonistic ) , ndipo baliska banji bakuwona kuti kachitiro kantheura nkhakutondeka chifukwa kakutondeka kulabiska pa wutatu wa Chiuta. Ndipo wuli, usange banthu bakuleka kupulikiska makora kabiro ka Yesu ndikuti visambizgo vinyake vyose ndi vyakutimbanizgika. Ungachita makora chara kuli kose pavisambizgo vya Chiuta usange undachite makora pakumusambira Yesu nga ndi waliri. Kasi umo mukuwonera, mukuwona kuti unenesko na chisambizgo chakwenelera mwakukoleranako na Mazgu gha Chiuta ndi ntchini? Chipulikano cha Bapostole chikupereka makora fundo izo zikuphara kabiro na mlimo wa Yesu Khristu. Chisambizgo cha kumusambira Yesu, (Christology) chikulongora mwandondomeko kabiro ka Yesu Khristu. Chisambizgo chakumusambira Yesu panji kuti Christology, chikupereka kulongosora kwakufikapo uko Baibulo likusambizga kwakuyana na kabiro, umunthu wake na uChiuta wake. Tikuvwirika kumuwona Yesu muvigaba vibiri: Kuyuyurika kwake (kwiza kwake mucharu na kutora thupi kuzgoka munthu, na kufwa kwake pa mphinjika chifukwa cha ise, na kukwezgeka, chizguka chake, chikwera na chigomezgo icho tili nacho chakwizaso kwake mucharu na nkhongono. Yesu wa ku Nazareti ndi Mwana wa Chiuta, ndipo pambere wandize mucharu na ulato wakuponoska tabanthu, wakabako lilo mwaka pamoza na Chiuta (preexistent, word or logos) . Kubako kwake chiyamwaka kukusambizgika kufumira mu Mazgu gha Chiuta, kusazgirapo kuba Mwana wake wa Chiuta, uzimu wake na kuyana kwake na Chiuta. Kweniso tikusambiraso kuti ndiyo mweneuyo zintchimi zikachima kuti wizenge mucharu kufumira kuchanya (incarnate) na kuzakatora thupi na kukhara mucharu, Chiuta Munthu.

4

1

Kulongosora Fundo yikuru ya Chisambizgo

Usange mukukhumba kulutirizga kubazga na kusmbira pa mutu wa Yesu, Mesiya na Fumu pa vyose: wakiza mucharu, mungabazga kufumira mumabuku agha: Dodd, C. H. The Founder of Christianity. New York: Macmillan, 1970.

Vitebetero na Mabuku