Chiuta Mwana, Buku la Msambizgi

4 4 /

CHIUTA MWANA

Pakurondezga vyose ivi, chonde woneseskani kuti mukujitolera nyengo pakuweleramo ivyo mwasambira ndipo bikanipo mtima chomene pa fundo zikuruzikuru. Muwufupi, chonde woneseskani kuti mwarongora kupulikiska pa ivyo mukughanaghana kuti ndivyo vikuyowoyeka pa chili chose icho mwabazga. Kusuzgika na kuphara vyose chara, yowoyani waka fundo zikuruzikuru izo mwawona muvyakubazga vinu. Perekani ivyo mwabazga kubasambizgi binu ndipo vilembeke pa pepara la vyakulembapo. Muchisambizgo chajumpha tawona umo Chipulikano Chabapostole chikuperekera ungweru pakapulikiskiro kithu ka Yesu Khristu, umunthu wake na milimo yake nga ndi umo vikuwonekera mufundo zikuruzikuru zibiri, Kuyuyurika kwake (kuzgoka kuba munthu na kutifwira pa mphinjika) kukwezgeka kwake (kuzguka kwake, chikwera chake, na chigomezgo chakwizaso kwake na nkhongono.) Kwiza kwake mucharu kuzakavumbura na kulongora Chiuta Dada na kuponoska banthu kuzakwananga zawo. Kubako kwa Yesu chiyamwaka (preexistence) kukuwoneska kabiro kake kakuba Mwana wa Chiuta, munthu wa uzimu wakuyana waka na Chiuta, nga ngwakuluvyika kwizira mu uchimi wa zintchimi muchipangano chakare, kweniso wakiza na kutora thupi na kukhara mucharu, Mazgu wakazgoka munthu. Muchisambizgo chithu chakurondezgapo, tilabiskenge mwachisanisani, mwakudidimizgapo chomene ulato wa Yesu wakwizira mucharu: kutivumbulira ise Chiuta Dada, uchindami wake, kutifwatura kuzakwananga na kunkhongono za Satana. Pakulabiska pa Yesu, umunthu wake, tidumbiranenge umoza wa Yesu mu uzimu wake na umunthu wake, tilabiskenge pa Yesu nga ndi mweneuyo wakabapatizika mwakuti wayanane na banthu awo wali kwiza kuzakabaponoska. Yesu ndiyo ndi Mpharazgi wa Ufumu wa Chiuta kweniso Muzga wa Chiuta mweneuyo wali kukomwa.

Kunozgekera chisambizgo cha kulondezgapo

1