Chiuta Mwana, Buku la Msambizgi

4 8 /

CHIUTA MWANA

• Kusanda na kukonkhoska fundo ya kuti Yesu ndi Muzga wa Chiuta mweneuyo wali kukomwa, kulabiska ubiro wake wa Mesiya na ulato wake kufumira pa kuphara kucharu utebeti wake, na umo Yesu wakajirongolera kucharu kuba Mtebeti uyo banthu bakakhazganga kuti wakwiza nga ndi umo zintchimi zikaphalira kuti wizenge kuzakapharazga uthenga wachiponosko kubakavu na bakutindibizgikira pasi.

Muhanya wuno Mazgu agha ghafiskika

Kujipereka

Luka 4.14-21 Mu nkhongono ya Mzimu, Yesu wakawerera ku Galileya. Lumbiri lwakhe lukatandazgika mu charu chose zingirizge. 15Wakasambizganga mu nyumba zawo zakusoperamo, ndipo ŵanthu wose ŵakamuchindikanga. Yesu wakuyuyurika ku Nazarete (Mateyu 13.53-58; Mariko 6.1-6) 16 Yesu wakiza ku Nazarete, uko wakakulira. Ndipo pa zuŵa la Sabata wakaya kanjira mu nyumba ya kusoperamo nga nkhaluso kakhe. Ndipo wakimilira kuti waŵazge Mazgu gha Chiuta. 17Ndipo ŵakamupa Buku la nchimi Yesaya. Wakajula buku, na kusanga apo pali kulembeka kuti, 18“Mzimu wa Fumu wali pa ine, pakuti yandiphakazga kuti ndipharazge Uthenga Uweme ku ŵakavu. Yandituma kupharazga kusutulika, kwa awo ŵali mu gadi. Na ŵachiburumutira kuti ŵawoneso, Kuŵapa wanangwa awo mbakutindiŵizgika, 19na kupharazga kuti nyengo yafika apo Fumu yiti yiponoske ŵanthu wakhe.” 20Ndipo wakati wajara buku, wakaliwezgera kwa muteŵeti wa nyumba ya kusoperamo na kukhara pasi. Ŵanthu wose awo ŵakaŵa mu nyumba ya kusoperamo ŵakamudodoliska. 21Ndipo wakamba kuŵayowoyera wakati, “Muhanya uno malembo agha, ghafiskika nga ndi umo mwapulikira.” Munyengo ya Yesu apo wakaba mucharu, banthu bakalindizganga kwiza kwa Mesiya. Apo Yesu wakizira mucharu, banthu banandi bakizanga na ulato wakuti bamuwone usange ndiyo nadi Mesiya. Banji bakamuwona Yesu nga ndi umo bakuwonera msambizi wa Mazgu gha Chiuta wali yose. Banji bakamuwonanga kuti ndi munthu wakufuntha, banji bakamuwonanga kuti ndi munthu wambura chakuchita ndipo banji bakamuwonanga kuti ndi munthu wakutebeteskeka na mizimu yiheni. Unenesko ngwakuti mafumbo ghose agha ghakamba kuyowoyeka chomene muchikaya chake umo wakakulira mumsumba wa Nazareti, nga ndi umo Luka wakuyowoyera kuti ndiko wakakulira. Wakarutanga ku synagogue, nga ndi umo kakabira kaluso kake, bakamupa buku kuti wabazge ndipo wakabazga kufumira mubuku la Yesaya chipaturo 61” “Mzimu wa Fumu Chiuta uli pa ine, pakuti Fumu yili kundiphakazga ine, kuti ndipharazge uthenga uweme ku ŵakavu. Yili kundituma kuti ndichizge ŵa mitima yakusweka, kuti ndipharazge wanangwa ku awo ŵali mu uzga, ndiposo na kuŵasutula awo ŵali mu gadi. 2 Fumu yili kundituma kuti ndipharazge, nyengo chisungusungu chakhe, na nyengo iyo yiti yiwezgerenge nduzga ku ŵarwani ŵakhe, ndiposo na iyo yiti yipembuzgirenge

peji 274  2

2