Chiuta Mwana, Buku la Msambizgi

/ 6 7

CHIUTA MWANA

5. Kasi Eutychianism chikung’anamurachi ndipo kasi ntchifukwa wuli chisambizgo ichi chikasuskika na mphara ya ku Nicea na ku Constantinople? 6. Kasi chikung’anamura usange tikuti Yesu wakaba munthu kweni wambura kwananga? Kasi tingamupulikiska wuli Yesu nga ndi Adamu wachibiri, nga wakutiyimira pamaso pa Chiuta? 7. Longosorani visambizgo ivi Docetism na Apollinarianism, ndipo kasi ntchifukwa wuli vikakanika na kuwoneka kuti ndi visambizgo vya utesi? 8. Kasi ntchakuzirwa wuli kwa ise kupulikiska na kuzomerezga kuti Yesu wa ku Nazareti munthowa yili yose ndi munthu nga ndi umo ise tiliri, ndipo wakutichitira ise lusungu, wakutiyimira pamaso pa Chiuta, wakutipereka kwa Chiuta na kutitebetera nga ndi chiyelezgero chithu?

2

Yesu, Mesiya na Fumu pa vyose: Wakakhara na Umoyo pa charu Chigaba cha chibiri: Mlimo wa uMesiya wa Yesu Khristu (The Messianic Mission of Jesus Christ)

Rev. Dr. Don L. Davis

Vinthu vitatu vya kuzirwa chomene pa umoyo wa Yesu ivyo ndi vyakutovwira chomene kupulikiska mlimo wa uMesiya uwo Yesu wakaba nawo. Yesu ndiyo ngwakubapatizika mweneuyo wali kutora lwande na banthu bakwananga beneawo wakizira kuponoska. Mwakurutirizga, Yesu ndiyo ngwakwambiska na mupharazgi (wakuruvya) Ufumu wa Chiuta, wakupereka kweruzga kwakwenelera kwa Chiuta pa charu, kulongora kwizira mwa umunthu wake, minthondwe, kuchizga, kufumiska mizimu yiheni nga ndi vilongolero vya Ufumu wa Chiuta uwo ukaba mwa iyo apo wakaba mucharu. Yesu ndiyoso mtebeti wa Chiuta mweneuyo banthu bakumukhazga mweneuyo wakaphara uthenga uweme ku bakavu, wakalongora urunji pabanthu ba Chiuta, kweniso mwapachanya nkhanira, wakapereka umoyo wake nga ndi sembe ya uchatonda na chakuwombolera banthu banandi. Ulato wa chigaba ichi cha, Mlimo wa uMesiya wa Yesu (Messianic Mission of Jesus Christ), ngwakuti mumanye kuwona kuti: • Yesu wa ku Nazareti wakiza mucharu nga ndi munthu wakufumira ku mtundu wa Isirayeli, nga ngwakubapatizika mweneuyo wakiza na ulato

Chigaba cha chibiri mwaufupi