Chiuta Mwana, Buku la Msambizgi

7 6 /

CHIUTA MWANA

2. Kasi tingapulikiska wuli ching’anamuro cha ubapatizo wa Yesu na Yohane, chomenechomene pakuwona kuti Yesu wakanangapo chara ntchifukwa wuli Yesu wakabapatizika ubapatizo wakuzgoka na kurapa kukwananga? Longosorani zgoro linu. 3. Kasi ndi munthowa wuli apo ubapatizo wa Yesu ukukhwaskana na usofi wake kwa ise, nga ndi mweneuyo wakutichitira ise lusungu pa kutomboroka kwithu (cf. Baheberi 4.14-15 4Pakuti sono tili nayo Musofi Mukuru nkhanira uyo wali kuporota mu mtambo, ndiyo Yesu Mwana wa Chiuta, tiyeni tikoreske chipulikano chithu icho tikazomera. 15Pakuti Musofi Mukuru uyo tili nayo kuti ndi uyo ngwambula chiwuravi pa mautechitechi ghithu chara, kweni ndi uyo wakayezgeka mu nthowa zose nga ndise, ndipouli, kuti wakanjira mu kwananga chara.)? 4. Munkhani ya Chiuta, kasi bayuda ba munyengo ya Yesu bakapulikiska wuli kwiza kwa muwuso wa Ufumu wa Chiuta ndipo bakakhazganga kuti Ufumu uwu wizenge wuli? Kasi visambizgo vya Yesu vikalongora wuli kwiza kwa Ufumu wa Chiuta kwizira mwa iyo mumilimo na mukachitiro ghake? 5. Kasi milimo ya Yesu iyo wakachita kwizira muminthondwe, kuchizga matenda na kuwuskamo mizimu yiheni mubanthu, vikachitira wuli ukaboni kuti ndiyo ndi Mesiya mweneuyo banthu bakakzganga nga ndi umo zintchimi zikachimira muchipangano chakare? Kasi visambizgo vya Yesu vikalongora wuli ubapo wa Ufumu wa Chiuta kwizira mwa iye? 6. Pali ubare wuli pakati pakukhazikiska kwa Ufumu wa Chiuta uko Yesu wakachita na kwizaso kwake? Longosorani zgoro linu. 7. Kasi wakaphara wuli kabiro kake kubanthu ba muchikaya chake cha Nazareti? Kasi wakajiphara kuti ndi njani, ndipo wakajiyaniska na njani? Kasi fundo iyi njakuzirwa wuli pakupulikiska udindo wa Yesu nga ndi Mesiya? 8. Kasi chipangano chakare (e.g., Yesaya 53) chikulongosora wuli za mlimo wa Muzga wa Yahweh nga ndi uyo wakunjira mumalo mwithu, sembe ya zakwananga za banthu? Kasi nyifwa ya Yesu yakakwaniriska wuli uchimi uwu? 9. Kasi tingaba wuli na chikanga kuti Yesu ndiyo ndi Muzga wa Chiuta mweneuyo wizengeso kuzakamalizga mlimo uwo wakawuyamba kwizira mukwiza kwake mucharu (incarnation), nyifwa yake na kuzguka kwake?

2