Chiuta Mwana, Buku la Msambizgi

7 8 /

CHIUTA MWANA

³ Baibuo likusambizga uzari wa umo Yesu waliri. Umunthu wa Yesu mweneuyo wakabikika munthumbo ya mwari wakurangwa Mariya ukuphalika mu vipaturo vyose vya mu Baibulo. ³ Visambizgo vya utesi vibiri mu mbiri ya Tchalitchi ivyo vikasuska umunthu wa Yesu vikasuskika na mphara za Mpingo izo zikakumananga munyengo zakare. Nestorianism, chisambizgo icho chikusambizga kuti Yesu wakaba banthu babiri bakupambana ndipo Eutychianism, chisambizgo icho chikayowoyanga kuti Khristu wakaba ubiri wakusazgikana mwa yumoza. Visambizgo ivi vikasuskika na kukanika chifukwa vikakananga kuti Yesu wakaba munthu wakufikapo. Mphara iyo yikakumana mumsumba wa ku Nicea (325) na ku Chalcedon (381) zikamazga mafumbo agha na kukhozgera kuti Yesu wakaba munthu wakufikapo na Chiuta wakufikapo. ³ Mphara zakare izi zikakanaso kuti na kumazga visambizgo vinyake vyautesi ivyo vikafumiranga mukutondeka kupulikiska na kuzomerezga kuti Yesu wakaba munthu wakufikapo: Docetism chisambizgo icho chikazomerezga kuti Yesu wakaba munthu chara na chisambizgo cha Apollinarianism icho chikazomerezga kuti Yesu wakaba munthu wakufikapo chara kweni chinthu chakukozgana waka na munthu panji chamawonekero gha munthu apo ndi munthu chara. ³ Chisambizgo cha umunthu wa Yesu Khristu chili kuzura na vinthu vinandi chomene ivyo vikuphara na kabiro ka Yesu. Tikuwonamo kuti Yesu wakaba munthu kweniso Chiuta. Wakaba munthu nga ndise mukabiro kali kose na mumachitiro ghose kweni wakaba wambura kwananga. Yesu ndiyo ndi Msofi withu mukuru (High Priest) mweneuyo wakutilengera ise lusungu na kutichitira ise chitima. Yesu ndiyo ndi Adamu wachibiri, tizamkuyanana nayo apo wizirengeso, tizamkusinthikira kuwuchindami wake apo wizamkwiza muwuchindami wake. ³ Yesu wa ku Nazareti wakanjira mucharu nga njumoza wa mbumba ya baYuda/Israyeli, wa kubapatizika mweneuyo wakajilongora pamoza na banthu bakwananga awo wakiza kuzakaponoska ³ Mu umunthu wa Yesu Khristu, Mesiya mweneuyo banthu bakamulindiliranga kuti wizenge na Ufumu wa ChiutaI uwo banthu bakalindiliranga. Kwizira mwa Yesu Khristu, Ufumu wa Chiuta wuli kwiza mucharu. Mwantheura Yesu ndiyo ndiyo ndi mpharazgi wa Ufumu wa Chiuta, wakukhazikiska Ufumu wa Chiuta na kuwupereka mumawoko gha Chiuta kuti ndiyo wawuse. Wakalongora kwizira mu umunthu wake pakuchita minthondwe, kuchiza matenda na kufumiska mizimu yiheni

2