Chiuta Mwana: Buku la Musambiri

2 2 8 /

CHIUTA MWANA

Umoza na Yesu: Untchindamira wa Yesu (Mwakulutirizga)

Bagalatiya 2.20 Ndili kupayikika pamoza na Khristu, ntheura kuti ndine chara uyo ngwamoyo, kweni Khristu uyo wakukhara mwa ine. Ntheura umoyo uwo nkhukhalira sono mu thupi, nkhukhalira chifukwa cha chipulikano chane mu Mwana wa Chiuta, uyo wakanditemwa ndipo wakajipereka chifukwa cha ine. 21 Kuti nkhukana uchizi wa Chiuta chara. Pakuti usange urunji ukwiza chifukwa chakurondezga Dango, ipo Khristu wakafwa kwambula chandulo. Bagalatiya 5.24 Ndipo awo ŵali ŵakhe ŵa Khristu Yesu, ŵali kupayika thupi lawo pa mphinjika pamoza na kurakaraka kwakhe na makhumbiro ghakhe. Baefeso 2.4 Kweni Chiuta uyo ngwa kuzura lusungu, kufuma ku kutemwa kukuru uko wakatitemwa nako, 5 wakatizgora ise kuŵa ŵamoyo pamoza na Khristu apo tikaŵa tichali ŵakufwa chifukwa cha zakwananga zithu. Na uchizi wa Chiuta, muli kuponoskeka. 6 Pakugumanyiskika na Khristu Yesu, Chiuta wakatiwuska pamoza nayo mwakuti tikawuse nayo kuchanya. 7 Wakachita ichi kuti mu nyengo iyo yikwiza warongore umo usambizgi wakhe wambula mapimiko uliri, uwo warongoreka mu uchizi wakhe pakuŵa na lusungu kwa ise mwa Khristu Yesu. Baefeso 5. Ndipo endaninge mu kutemwa nga ndi umo Khristu wakatitemwera ise. Ndipo wakajipereka chifukwa cha ise kuŵa chakupereka na sembe ya sungu liweme kwa Chiuta. Bafilipi 3.7 Kweni vyose ivyo nkhatenge nchandulo kwa ine, ndavipima vyambula chandulo chifukwa cha Khristu. 8 Mbunenesko, ndavipima vyose kuŵa vyambula chandulo chifukwa cha chandulo chikuru chakumumanya Khristu Yesu, Fumu yane. Pa chifukwa cha iyo ndili kupwererako vyose chara, na kuvipenda vya ku chizara, mwakuti Khristu ndiyo waŵe chandulo chane Bafilipi 3. 20 Kweni ise chikaya chithu chili kuchanya. Ndipo na mtima wakunweka, tikulindirira Muponoski, Fumu Yesu Khristu kwiza kufuma kuchanya. 21 Iyo wamkughazgora mathupi ghithu ghakuyuyuka agha kuti ghaŵe nga ndi thupi lakhe la uchindami ndipo wizamkuchita ichi kwakuyana na nkhongono zakhe zikuru izo zikumwenereska kuŵika vinthu vyose pasi pa iyo mwenecho. Bakorinto1.15 Khristu ndiyo chikozgo cha Chiuta wambula kuwoneka ndiposo ndiyo Mwana wa uŵere mu vilengiwa vyose. 16 Pakuti mwa iyo Chiuta wakalenga vyose, vya kuchanya na vya pa charu cha pasi, vya kuwoneka na vyambula kuwoneka, kwali ndi vizumbe, mafumu, ŵakuwusa vyaru, ndipo na ŵamazaza. Vinthu vyose vikalengeka mwa iyo na kulengekera iyo. 17 Iyo wakaŵako pambere vyose vindaŵeko, ndipo mwa iyo, vinthu vyose vikulungana pamoza. 18 Iyo ndiyo mutu wa thupi ilo ndi mpingo. Ndiyo jando, ndipo ndi mwana wakudanga kuwuskika ku ŵakufwa, mwakuti mu vyose ndiyo waŵenge wakudanga.