Chiuta Mwana: Buku la Musambiri

/ 2 2 9

CHIUTA MWANA

Umoza na Yesu: Untchindamira wa Yesu (Mwakulutirizga)

Bakolose 2. 6 Ntheura sono pakuti muli kumupokerera Khristu Yesu Fumu, kharani mwa iyo. Jinthani misisi yinu mwa iyo, zengani umoyo winu mwa iyo ndipo muŵe ŵakukholerakholera mu chipulikano chinu nga ndi umo mukasambizgikira. Ndipo muŵenge ŵakuwonga chomene. Bakolose 3.17 Chilichose icho mukuchita, manyi mu kuyowoya panji mu milimo, chitani chilichose mu zina la Fumu Yesu, pakuwonga Chiuta Dada mwa iyo. 2 Timote 2.11 Kayowoyero aka nkhakuneneska ako kakuti, “Usange tafwa pamoza nayo, tiŵengeso ŵamoyo pamoza nayo. 12 Usange tikuzizipizga, tiwusengeso pamoza nayo. Usange tikumukana, iyo nayo wizamkutikana. 13 Usange tikugomezgeka chara, iyo wakukhalirira mu kugomezgeka, pakuti wakujikana yekha chara.” Baheberi 2.14 Ntheura pakuti ŵana aŵa mbanthu, ŵali mu nyama na ndopa. Yesu nayo wakatora kaŵiro ka munthu nga ndiwo, mwakuti na nyifwa yakhe wasakaze Satana uyo wali na mazaza pa nyifwa, 15 na kuthaska wose awo ŵakaŵa ŵazga pa umoyo wawo wose chifukwa chakopa nyifwa. 1 Yohane 2.6 Munthu uyo wakuti wakukhara mwa Chiuta wakwenera kwenda kwakuyana na umo Khristu wakenderanga. 1 Yohane 3. 2 Mwa ŵakutemweka ŵane, sono tili ŵana ŵa Chiuta, nangauli sono chichali chindavumbukwe umo tamkuŵira. Kweni tikumanya kuti para Khristu wakwiza, tamkuŵa nga ndi iyo, pakuti tizamkumuwona nga ndi umo iyo waliri. Uvumbuzi 1.5 ndiposo na kwa Yesu Khristu, kaboni wakugomezgeka, wakudanga kuwuka ku ŵakufwa na uyo wakuwusa ŵakaronga ŵa charu cha pasi. Mweneuyo wakutitemwa, ndipo na ndopa zakhe wakatisutula ku zakwananga zithu, 6 ndipo wali kutizgora ise kuŵa ufumunkhuru na ŵasofi kuti timuteŵeterenge Chiuta, Ŵawiske. Ntheura kwa Yesu Khristu kuŵenge nchindi na mazaza kwa muyirayira. Ameni. 7 Wonani, wakwiza na maŵingu! Waliyose wizamkumuwona, awo ŵakamulasa nawo, ŵizamkumuwona. Mafuko ghose gha mu charu cha pasi ghizamkulira chifukwa cha iyo. Inya, ndimo kuŵirenge! Ameni Uvumbuzi 3.21 Yose uyo wakutonda, nditi ndimuzomerezgenge kuti wakhare na ine pa chizumbe chane, nga ndi umo ine nane, nkhatondera, na kukhara pamoza na Ŵadada pa chizumbe chawo.