Chiuta Mwana: Buku la Musambiri

/ 2 3 7

CHIUTA MWANA

Ntchindamira na Mzati: Chikhristu ndi Yesu (Mwakulutirizga)

• mweneuyo vilimika vya umoyo wake kufumira pa vilimika khumi na vibiri kufika pa makhumi ghatatu palije icho chikumanyikwa kuti wakachitanga. • Wakatebeta kwa vilimika vitatu pera, wakakanika na banthu bakwawo, bamuchikaya chawo, na balongozgi bachisopo • Wakafwa mwakukhozga soni, wakakomeka mwamsinjiro na lengesko, wakakhomeka pakati pa bankhungu ndipo wakasungika mudindi lakuchita kubwereka. Ndipo wuli banthu wose, mabuku, zeru, maluso, maboma, bakaswiri, bakusambira, balongozgi bachisopo, bakurwa nkhondo, banthu bankhongono na mazaza, wose pamoza palije uyo wali kubapo na kabiro ka kusintha charu nga ndi umo Yesu wakachitira. Chikhristu ndi Yesu. Nkhani yose nja Yesu na umo wali kusinthira charu kwakuyana na wunthu wake, mazaza ghake, ntchemo yake, masomphenya ghake na mlimo wake wakunthazi. Kuti tipulikiske vyose ivyo Chiuta wakukhumba kuti timanye na kutenerezga kuchita, tikwenera kumanya na kupulikiska umoyo wa Yesu Khristu, mweneuyo bakupulikana nayo bakugomezga kuti ngwamoyo na sono wuwo. Bakolose 1.15-20 - Khristu ndiyo chikozgo cha Chiuta wambula kuwoneka ndiposo ndiyo Mwana wa uŵere mu vilengiwa vyose. 16Pakuti mwa iyo Chiuta wakalenga vyose, vya kuchanya na vya pa charu cha pasi, vya kuwoneka na vyambula kuwoneka, kwali ndi vizumbe, mafumu, ŵakuwusa vyaru, ndipo na ŵamazaza. Vinthu vyose vikalengeka mwa iyo na kulengekera iyo. 17Iyo wakaŵako pambere vyose vindaŵeko, ndipo mwa iyo, vinthu vyose vikulungana pamoza. 18Iyo ndiyo mutu wa thupi ilo ndi mpingo. Ndiyo jando, ndipo ndi mwana wakudanga kuwuskika ku ŵakufwa, mwakuti mu vyose ndiyo waŵenge wakudanga. 19Pakuti kukamukondweska Chiuta kuti uchiuta wakhe wose uŵe mu Mwana wakhe. 20Ndipo mwa iyo, Chiuta wakakhumba kuphemaniska vinthu vyose na iyomwene, vya pasi na vya kuchanya. Wakachita vyose ivi kuti waŵike mutende na ndopa za mwana wakhe pa mphinjika. Makani agho tikwimilirapo