Chiuta Mwana: Buku la Musambiri

2 3 8 /

CHIUTA MWANA

Ntchindamira na Mzati: Chikhristu ndi Yesu (Mwakulutirizga)

I. Yesu ndiyo mbuvumbuzi waumaliro na wakufikapo wa Chiuta. Mwakuti tipulikiske Dada, Tikwenera kumumanya Yesu Khristu, mweneuyo ndi jando na ndondomeko ya chilengiwa.

A. Yesu ndiyo ntchikozgo cha Chiuta, ndipo mwa iyo Chiuta wali kulenga vyose. Bakolose 1.15-16 - Khristu ndiyo chikozgo cha Chiuta wambula kuwoneka ndiposo ndiyo Mwana wa uŵere mu vilengiwa vyose. 16Pakuti mwa iyo Chiuta wakalenga vyose, vya kuchanya na vya pa charu cha pasi, vya kuwoneka na vyambula kuwoneka, kwali ndi vizumbe, mafumu, ŵakuwusa vyaru, ndipo na ŵamazaza. Vinthu vyose vikalengeka mwa iyo na kulengekera iyo. B. Yesu ndiyo ngwakwimira Chiuta nga ndi umo Chiuta waliri mukabiro ka munthu, Bahebei 1.1-4 Mu nyengo za kale, Chiuta wakayowoyanga ku ŵasekuru ŵithu kaŵirikaŵiri na mu nthowa zakupambanapambana kwizira mu nchimi. 2Kweni mu mazuŵa gha umaliro agha, wakuyowoya kwa ise kwizira mu Mwana wakhe, mweneuyo Chiuta wakamwimika kuŵa muhaliri wa vinthu vyose. Kwiziraso mwa iyo, wakalenga charu cha kuchanya na charu cha pasi. 3Iyo ndiyo kuŵala kwa uchindami wa Chiuta, ndiposo ndiyo chikozgo chenecho cha kaŵiro ka Chiuta. Iyo ndiyo wali kukolerera vinthu vyose na mazgu ghakhe gha nkhongono. Wakati waphotora zakwananga zithu wakakhara pachanya ku woko la maryero la Ufumunkhuru. C. Yesu ndiyo ndi Mazgu agho ghali kutora thupi, wakuvumbura wa uchindami na kutowa kose kwa Chiuta. Yohane 1.14 - Mazgu ghakazgoka munthu wakuzura na uchizi na unenesko ndipo wakakhara mukati mwithu. Tikawona uchindami wakhe, ndiwo uchindami uwo wakapokera kufuma ku Ŵawiske nga ndi Mwana wakhe yekha na yekha. Yohane 1.18 Umo kuli kuŵirako kale, palije munthu na yumoza uyo wali kumuwonapo Chiuta, kweni Mwana wakhe yekha na yekha pera uyo wali pamoza na Chiuta, ndiyo wali kumuvumbula.