Chizgoka na Ntchemo, Buku la Msambiri

1 0 6 /

C H I Z G O K A N A N T C H E M O

Ulendo uwo tikwenda

Bazgani Mateyo 4.17-22. Kasi ulato winu ntchichi pa umoyo winu? Chakuzirwa chomene, chapachanya nkhanira, na chakuzirwa nkhanira, icho mukufumbira mafumbo, “chifukwa wuli” “njani,” na mafumbo ghanyake ghakuzirwa chomene pa umoyo winu. Palije munthu uyo wakukhara umoyo wakuzura na wakuzara, panji kufika pakupulikiska icho bakwenera kuchita kwambura kumanya uko Chiuta wali kubachemera panji kumanya icho wali kubachemera pa umoyo wawo. Mlembi Os Guiness, mu buku lake lakuchemeka kuti, The Call, (Ntchemo) wakuyowoya na chinthu icho chili pasi pa mtima wa munthu wali yose, icho nkhusanga chifukwa icho munthu waliriko. Mukati mumitima yithu tose, tili na kunwekera kwakumanya icho Chiuta wali kutilengera, na kufiska khumbiro ili. Kwa wali yose wa ise, ulato weneko uwo tikukhalira na umoyo nkhunwekera kufiska kanthu kanyake na kumanya chifukwa icho tiliriko. Chikuru chomene ntchakuti timanye unenesko uwo mbunenesko kwa ise, kusanga fundo iyo ndingakhalira na umoyo na kufwirapo (kufuma mu buku la Os Guinness, The Call . [Nashville: World Publishing, 1998, p.3]). YesuwakapharazgangaUfumuwa Chiuta uwowizamu charu, kuchema banthuwose kuti bakhalire Ufumu wa Chiuta, weneuwo ukiza mwa munthu, Yesu. Pakusangana na Simoni na Andreya, Yakobe na Yohane, maguru ghabiri agha pawubare wawo awo bakaba balovi, Fumu yithu yikabachemera kuntchemo yikuru chomene, yaunenesko na ulato ukuru kuruska vyose pa umoyo wawo. Kulondezga Yesu nga ndi Fumu, kuzomerezga Mazgu ghake ghakujipereka agho ghakuponoska na kulera bakupulikana, uwu ndiwo ulato weneko wa umoyo. Yesu wakiza ku banthu aba na kubaphalira kuti bamurondezge, ndipo layizgo lake lakuti wabapangenge kuba basambiri bake na barovi ba banthu. Wakasintha waka ntchito yawo, wakasintha umoyo wawo na kubabika pa nthowa yakuti bendemo mwakukondwa, kuzogka, kukomwa, na kuchitira ukaboni makani ghaweme. Bakapulika Mazgu ghake na kuzomerezga muchipulikano na mkupulikira. Mazgu agho ghakabachemera kuchipulikano ghakabachemeraso kuba basambiri bake, ndipo kwizira mumazgu ghake, bakasanga na kumanya ching’anamuro cha umoyo: kwiziska Uchindami na marumbo kwa Chiuta pera kwizira mwa mwana wake, Yesu Khristu. Kwambura nthowa iyo tikwendamo lero, usange tingategherezga, tipulikenge Mazgu gha Mlongozgi withu ghakulutilizga kutidangilira, nanga ndi mumdima wamnkhorwe. Yesu ngwa moyo ndipo kwizira mwa Mzimu Mtuba, wakuchema banthu wose kwiza kwa iyo kuti bakhale nga mbazga bake, kukoreska ulato wake, kuzomerezga Mzimu Mtuba kuti wabawumbe kuba chilengiwa chipya, banthu bakumupulikira Chiuta dazi na dazi. Basambiri bakale, (nga ndi basambiri baunenesko nyengo zose) bakapulikira Chiuta na mtima wa mwamphu chomene,

Kujipereka

4