Chizgoka na Ntchemo, Buku la Msambiri

Chizgoka na Ntchemo Kwambura nkhayiko, chinthu chakuzirwa na chankhongono chomene mu Mpingo ndi Mazgu ghakupatulika gha Chiuta (Baibulo), agho ghali kuphakazgika na Mzimu Mtuba. Nga mbasambiri ba Yesu Khristu, tikukhozgera chipulikano chithu mu kuchitachita, kupanikizgira, kuzgora na nkhongono ya ntchemo iyo yili mu Mazgu gha Chiuta. Kuti tipulikiske chitumbiko chapadera cha kuzgora na ntchemo iyo yili mu Mazgu gha Chiuta, tikwenera kughanaghana na kulangurukirapo chomene na malo agho Mazgu gha Chiuta ghakutora mu Mpingo withu. Chisambizgo ichi chikubika pakweru nkhongono ya Mazgu gha Chiuta pa kuzgora bakutayika na kuvikilira bakuchemeka ku kukhara mukhumbiro la Chiuta. Tikwamba na kudumbirana umo Baibulo likujikonkhoskera umo liliri Mazgu gha Chiuta, ghakuphakazgika, ghakuthutirika na Mzimu Mtuba. Kwizira mu utebeti wake kwizira mu Mazgu ghake, tikupulikiska kuti Mazgu gha Chiuta ghali na utebeti ukuru chomene mukusinthika kwa bakutayika; kwizira mu Mazgu, Mzimu Mtuba wakupanikizgira charu kukwananga, urunji, na kweruzga. Mazgu gha Chiuta ghakutizgora; ndi Mazgu agho ghakutipa umoyo wupya, ndipo ndimo kuliri na uthenga uweme wa Yesu Khristu. Ndi Mazgu gha Chiuta agho ghakutipa kubabikaso, kunjira mukusukika kwa kusintha, kuzgoka na Mzimu Mtuba, kupereka kwa awo mbakugomezga vimanyikwiro vya kuzgoka kwa kufumira kwa Chiuta. Pa umaliro, tikuwona umo Mazgu ghakutichemera kufuma muchisi na kwiza kwa Yesu. Tikuwona fundo ya ( metanoia ), ndikuti, kuzgokera kwa Chiuta na kuchipulikano ( pistis ). Mazgu gha Chiuta ghakupereka chipulikano mwa Yesu Khristu, Fumu na Mthaski uyo wakuponoska, kusutura, na kuwombora bakupulikana nayo, kuchilango cha Chiuta, nkhongono na kusangika kwa kwananga pa umoyo wawo.

Rev. Dr. Don L. Davis, (Ph.D., U of Iowa) ndi mulongozgi mulara wa The Urban Ministry Institute, uwo mbutebeti wa World Impact. Kweniso ndi Prezidenti Mulara wachibiri wa utebeti wa World Impact. Utebeti wa TUMI ukujipereka pa kovwira mipingo kupharazga na kujintha mipingo yipya mucharu iyo yikukhwimiska balongozgi kulutiska munthazi Ufumu wa Chiuta pakati pa bakavu. World Impact ndi wupu wa chi Khristu uwo ukujipereka pa kovwira pa kujintha mipingo kwizira mukuthandazga uthenga wa chiponosko, kukhozga bapharazgi ba uthenga wa Chiponosko. Ulato withu ngwakuchema banandi, kupereka nkhongono pa kupanda mipingo muvigaba vyakupambanapambana mu charu chose.