Chizgoka na Ntchemo, Buku la Msambiri

/ 3 7

C H I Z G O K A N A N T C H E M O

Kubambikizga

Chisambizgo ichi chakupereka ungweru vinthu vyakukhumbikwa chomene pa nkhongono ya Mazgu gha Chiuta agho ngakulenga, pakulengeka kwa charu, kweniso pakulenga umoyo wupya ku banthu awo bakupulikana. Munthowa yili yose, kupulikiska Mazgu gha Chiuta nkhwakuzirwa chomene pa makani gha nkhongono zake pa kulengeka kwa vinthu na mbiri yose ya charu. ³ Mazgu ghatuba gha Chiuta nga moyo ndipo nga muyirayira. Ghali kupika umoyo na Mzimu Mtuba kwizira mukughathutira, kweniso na kughakhalira khonde iye mweneko Chiuta na mlimo wake. ³ Chifukwa chakuti Mazgu gha Chiuta ghali pamoza chomene na Chiuta mweneko na mlimo wake, ntheura ngakugomezgeka, na gha mazaza pa vinthu vyose vya chipulikano pa vyose ivyo ghakuphara na kujiyowoyera mwa unenesko wose. ³ Charu chose na umoyo wose uwo chili nawo ukufumira kwa Chiuta wakavilenga vyose kufumira pambura kanthu ( “ex nihilo” ) kwizira munkhongono zakupereka umoyo za Mazgu gha Chiuta, kung’anamura kuti, kwizira mu Mazgu ghake agho Chiuta wakayowoya pakulenga. Mwakusazgirapo, Chiuta wankhongono zose wakalenga vinthu vyose kwizira mu Mazgu ghake ghamoyo, uyo ndi Yesu Khristu (Yohane 1.1-3; Bakolose 1.16). ³ Mazgu gha Chiuta ndi Mazgu gha kulembeka, ghakuthutirika na Mzimu Mtuba, ghose pamoza, gha muchipangano chakale na chasono wuwo (Mazgu gha Chiuta gha Chipangano chakale muChiheberi) Mazgu gha muchiGiriki gha muchipangano chasono). ³ Chiuta wakujibatika na Mazgu ghake agho ndi Mazgu gha Chiuta mu uvumbuzi wa Yesu Khristu, kwizira mwa iyo wakujivumbura, wakuwombora charu, ndipo wawezgerengemo charu chose kwizira mu kuwusa kwake mu urunji wake. ³ Mazgu gha Chiuta, pakuba ghakulembeka na Mzimu Mtuba nakuba ghakuthutirika na Mzimu Mtuba na kughapa umoyo wake, ndicho ntchitebetero icho Mzimu wa Chiuta wakutebeteska pakwata umoyo upya mu bakupulikana mwa Yesu Khristu. Uthenga uweme ndi mbewu ya Mzimu iyo yikupangiska ise kuti tibabikeso kufumira kuchanya. ³ Chimanyikwiro cheneko cha Msambiri wa Yesu nkhukhalilira na kulutilira mu Mazgu gha Chiuta, agho ghakusutura banthu.

Fundo zikuru zikuru mwaufupi

1