Chizgoka na Ntchemo, Buku la Msambiri

4 6 /

C H I Z G O K A N A N T C H E M O

Chitumbiko chakufumira muwusokwano

Kujipereka

Bazgani MaSalimo 32.1-11. Kasi muli kusuzgikapo na kususkika uko kukufumira munjubi yinu? Kuti tikuyowoya vyakususkika kwakufumira mu utesi chara, manyani kuti, kwene kwakufumira mukumanya kuti muli kubudiska ndipo mukapulikanga kupweteka mkati chifukwa cha ivyo muli kuchita ndipo mukukhumba kuti mphanyi mwangunozgapo, pakuvimazga na kuwelera ku urunji wa Chiuta na kuphemana na banthu awo muli kubanangira. Kapulikiro aka nkhaweme chomene pa munthu wali yose. Kwambura kususkapo kuli kose, kabiro aka nkhaweme chomene pamunthuwali yose. Nanga wuli vingawoneka kuti ndi vyakusuzga na vyakubinya, na chakulengeska, kususkika mu mtima ntchinthu chapachanya chomene. Kapulikiro aka kakususkika panthazi pa Chiuta munjubi yinu, kakukhwaskika na kapulikiro kinu pa umoyo winu. Munthu uyo wakuchita kwananga ndipo wakupulika kali kose chara mukati munjubi yake wali na suzgo likuru chomene. Wakusoberwa kususkika kwakufumira kwa Chiuta. Kusoberwa kususkika kwakufumira kwa Chiuta kukupangiska wa munthu kuba wambura njubi ndipo ukukhara mukwananga nyengo zose. Ukupulika kususkika chara, khumbiro la kulapa na kusintha makhaliro palije. Davide mu Salimo ili wakuyowoya mwakufikapo chomene na kabiro ka Chiuta pa munthu. Chiuta wakukhumba kugowokera banthu. Akuyowoya na umo iyo wakapulikiranga apo wakamunangira Chiuta, wakabavye mtende, wakakhozgeka soni, wakapulika urwirwi ukuru chomene apo wakabisanga kwananga kwake. Kusuzgika na usokwano uwo tikuwusanga apo Mzimu Mtuba wakutisuska ntchitumbiko chikuru chomene kwa ise. Kusuzgika uku kukupambana na kusuzgika kunyake kuli kose uko tikukupulika. Kusuzgika uku kukutowira kuti tipulikiske kwananga kwithu, urunji wa Chiuta, kutondeka kwithu pakusunga urunji na unenesko wa Chiuta kwizira munkhongono zithu patekha na kugomezga kwithu Chiuta pa kugowokereka ku zakwananga zithu. Usokwano uwu ukutirongozgera ku unenesko na umo ise tiliri pamaso pa Chiuta; tibenge basokwano mpaka tizomerezge kuti tili bakwananga. Usokwano uwu ukutilongozgera ise ku umanyi wakuti Chiuta ndiyo pera uyo wangatigowokera na kutinozga kuti tibe barunji. Pa vyose ivyo tikukhumba kuti tibe barunji na kuba pafupi na Chiuta, chakuzirwa chomene ndi njubi yamoyo. Njubi ndiyo yikutilongozgera kwa Chiuta na kutisambizga apo tapuruka. Yikuti longora khumbiro la Chiuta kuti watipe lusungu, na uchizi, usange tikuzomera kuti tili bakwananga. Timuwonge Chiuta chifukwa cha usonkwano uwo njubi yithu yikutibikamo.

2

Usange mwaphara Chipulikano cha Bapostole, Rombani lurombo ulu:

Chipulikano cha Bapostole

Chiuta wamuyirayira, dada withu, tikumuwongani chifukwa cha chawanangwa cha umoyo icho chikufumira mu Mazgu ghinu gha Moyo, na Mzimu winu wakupaturika