Chizgoka na Ntchemo, Ulongozgi wa Msambizgi

/ 1 7 5

C H I Z G O K A N A N T C H E M O

na kuba na kunwekera kupulikizga, panji mungafumba basambiri kuti bapereke mafumbo agho bali nagho pa ivyo bati basambirenge. Mwachiyerezgero: • Kupereka nkhani yachiyrezgero kufumira mu vyakuchitika mu utebeti ivyo vikovwira pa ulongozgi, paudumuliro na kuvwirana na basambiri kudumbirana na umo bangachitira usange bakumana na vyantheura ivi. • Masuzgo agho bakukumana nago basambiri agho ghangamanya kuperekeka nga ndi mafumbo, mwachiyerezgero “kasi usange tikupharazga pa nyifwa, ntchakwenelera na chakuzirwa kuti mliska wabe munenesko na kukhwaskika chomene pakupharazga? Longosorani? Kwambura kughanaghanira nthowa izo zasoleka, nthowa yapachanya yakugumanyira chisambizgo chakare na chasono nkumanya umomungagumanyira vyamchisambizgo chakare na chasono. Pakunozgekera chigaba chagumanya visambizgo, msambizgi wakwenera kulemba fundo izo zikulongora kugumanya izo zikuzenga mtantho pakati pa chisambizgo chajumpha na icho chikwiza. Mwachiyerezgero, usange chisambizgo changuba chakkuti Mzimu Mtuba ndi Chiuta mweneuyo njumoza mwa Utatu Utuba, chigaba chakugumanya chingaba chakuba na basambi bajambure chimanyikwiro cha Mzimu Mtuba. Pa umaliro wakuti balongorana ivyo bajambura na kudumbirana chifukwa icho bajambulira ivyo bakughanaghana kuti vikwimira Mzimu Mtuba, msambizgi wangamanya kugumanya visambizgo pa kuphara ivyo iyo wakughanaghana na umo Baibulo likusambizgira. Mungasazgapo vinthu ivi: Pa chifukwa chakuti Mzimu Mtuba wakulongoreka nga ndi moto, panji mafuta mu Baibulo mumalo mwakuba nga ndi munthu nga ndi umo Chiuta Dada na Mwana bakulongolekera, munyengo zinyake chikuba chinthu chakusuzga chomene kovvwira banthu kupulikiska kuti Mzimu Mtuba ndi munthu mwakufikapo mu Utatu Utuba, ndipo wakughanaghana, wakuchita, na kuyowoya nga ndi umo Chiuta Dadada na Mwana bakuyowoyera. Muchisambizgo ichi, tikukhumba kuti tikhazikiske ivyo Mazgu ghakuyowoya mwakuti tipulikiske kuti Mzimu Mtuba ngwakujumpha chilongolero na chimanyikwiro waka ndipo tijinthe fundo yakunena kuti Mzimu Mtuba ndi Chiuta nga ndi Chiuta Dada na Mwana ndipo tikwenera kupenjerezga nthowa izo tingasambizgira banthu kuti bapulikiske kuti Mazgu gha Chiuta ndimo ghakusambizgira.