Chizgoka na Ntchemo, Ulongozgi wa Msambizgi

1 7 6 /

C H I Z G O K A N A N T C H E M O

Ichi ntchinthu chakovwira chomene pakugumanya na kwamba chisambizgo chifukwa chikovwira kulongozgera basambiri ku vinthu ivyo bakwenera kukhazga kufumira muchisambizgo na kubanozgekereska kupulika vinji mwa vinthu ivyo vidumbikenge mwakukhwaskana na ivyo viti vize munthazi. Nanga wuli mungamanya kugumanya chisambizgo chinu kwizira mufundo izo basambiri baphara mukudumbirana kwinu, ntchakuzirwa chomene, kuti munyengo yakunozgekera kusambizga, kughanaghanirathu ivyo mudumbiskanenge. Nthowa zitatu zakovwira chomene apo mukunozgekera nthowa yakugumaniska visambizgo vinu: • Kasi ndi nthowa ya kunozga na yakulenga kunwekera mubasambiri? • Kasi yikukhwaska makhumbo gha basambiri muwupu uwu? • Kasi yikuguzira basambiri ku ivyo basambirenge na kupereka kunwekera mukati mwawo? Chonde weleranimo mu ivyo musambizgenge mwakuti mumanye kupulikiska ivyo musambizgenge mwakuti mumanye umo mungagumanyira chisambizgo chasono na chakare. Usagne mwachita ntheura, pangani mutantho winu wakugumanya ivyo muli kusambizga na ivyo musambizgenge. Vwirani basambiri kuti bamanye unenesko uwo ulipo pakati pa ivyo basambira na ivyo bakukumana navyo mu utebeti wawo. Labiskani pamoza nawo ivyo vikulondezgapo, ndipo mudumirane vyakukhumbikwa kusintha pa ivyo bakupulikana, kugomezga, kaghanaghaniro panji vyakuchitika ivho vikwenera kuchitika chifukwa cha kutebeteska ivyo basambira. Apo mukunozgekera, lekani kukhara chomene pakugumanya visambizgo kuluska kujumphapo na kupereka mwabi kuchisambizgo chasono. Mwachisanisani, chigaba ichi chikwenera kuba ntchemo kubasambiri kuti bakhumbe kusasambira na kusanga vinthu vipya kuluska kuba wumaliro pachekha. Pa mtima wa kugumanya visambizgo pakwenera kuba fumbo lakuti panji mafumbo ghakuchemera basambiri kukukhumba kusambira na umo kumanya unenesko kungabasinthira umoyowawomu kaghanaghaniro, machitiro na nkharo. Tasazgiramo mafumbo ghakovwira pakupanga chigaba ichi muchisambizgo.

Kunozgekera kugumanya jando na chisambizgo