Chizgoka na Ntchemo, Ulongozgi wa Msambizgi

/ 1 7 7

C H I Z G O K A N A N T C H E M O

Pakuti agha ndimasambirogha vya uChiuta naUtebeti, kusinthika uko tikukhumba chomene ndi uko kukukhwaskika kusambira kwa basambiri na kalongozgero ka banthu mu utebeti wawo. Yezgani na kubikapo mtima pakovwira basambiri kuti bajisande na umo bangabikirapo mtima pakovwira bnthu na iwo baneko kufumira pa ivyo basambira. Mafumbo ghinu ghakwenera kuba ghakovwira basambiri kaghanaghaniro aka. Chigaba cha kugumanya visambizgo chingachitika munthowa zinandi. Basambiri bangadumbirana vyakulondezgapo na vyakuchitika pa utebeti pamoza na msambizgi panji mumawupu ghachoko ghachoko na basambiri banyawo. Bangadumbirana pa wupu wose panji mwapadera mwakulondezga mafumbo agho msambizgi wiza nawo. Nkhani za chiyerezgero, nazo, ndi ziweme pakwambiska kudumbirana. Kwambura kulabiska nthowa izo mwendengepo, muchigaba ichi, wose babiri, msambizgi na basambiri bakwenera kuwoneka kuba jando la vinjeru. Pakuti basambiri wose mbalongozgi ba Khristu, kanandi pakuba usambazi na umanyi uwo ungasangika kufumira mubasambiri. Basambiri bakwenera kuchiskika kusambira kufumira kwa yumoza na munyake na kwa msambizgi. Pali fundo zinandi izo zingavwira kulongozga vidumbirano vya kugumanya visambizgo ivyo mungalongozga: • Chakwamba, ulato ukuru muchigaba ichi ngwwakufumiska mafumbo kufuma mubasambiri. Mukachitiro kanyake, mafumbo agho basambiri bali nawo kufumira mu ivyo basambira ghakutora lwande likuru chomene kujumpha mafumbo ghanyake ghose agho msambizgi wali nawo, nanga wuli mafumbo agho msambizgi wakuba nawo ngakuzirwa chomene chifukwa wali na umanyi ukuru kuluska basambiri. Chakuzirwa chomene ntchakuti fumbo lili lose ilo msambiri wali yose wakufumba ndakuzirwa chomene chifukwa likwimira mafumbo ghanandi agho ghandafumbike. • Chachibiri, yezgani kulongozgera vidumbirano pa vinthu vyakuchitika kuluska pa vinthu vyambura kuchitikapo, vya mumaghananoghano waka. Chigaba ichi cha chisambizgo chili na ulato wakulabiska pa vinthu vyakuchitika pa umoyo na utebeti wa basambiri.