Chizgoka na Ntchemo, Ulongozgi wa Msambizgi

1 9 8 /

C H I Z G O K A N A N T C H E M O

Nga ndi umo tisambilirenge muchisambizgo chithu, lwande lili lose la nkhongono zakusintha zaMazgu ghaChiuta –vyose ivyo tili navyonamose umo tiliri, vikuchitika chifukwa cha ubare uwo tili nawo na Yesu Khristu. Tikwenera kuromba kabiri – kabiri kwa Chiuta kuti, ndipo iyo pera, ndiyo wangamanya kutipa ise wovwiri na chivikiliro icho tikukhumba mwakuti timanye kumuchindika. Kusinthika uku nkhwa uchizi, na chifukwa cha ubare withu na Chiuta mwa Yesu Khristu Kukhwaskana kuli kwima pa mafumbo gha unkhwantha na kusanga chipulikano; ndi vinthu vyakupambana chomene kuba wa Chiuta na kuzunura waka kuti ndiwe wa Chiuta. Mlimo ukuru wa ulongozgi wa uzimu mu mpingo ngwakulongora na kumanya uzimu wenekoneko na kuwupambaniska na uzimu wa utesi. Mpostoli wakachenjezga kuti usange iwo bafwa, kuti kwizenge batebeti na balongozgi batesi awo bapusikenge banthu kuti mbakutumika na Chiuta apo mbatebeti batesi (labiskani pa Milimo 20.29ff.; 2 Petros 2.1-10). Kubanandi kuphara kuti mbana ba Chiuta, chipulikano chawo kuti chili kujinthika pa kusinthika na kuzgoka chara, kwene pakukoreska waka chisambizgo na vigomezgo, kuba membara waka wa mpingo, panji kusungilira mdauko wa mpingo. Apo mukwendamo muchisambizgo ichi, chibenge chinthu chakuzirwa chomene kudidimizga unonono uwo ukukhwaska kumanya ukhristu weneko na wa utesi. Kuzgoka kuti ntchinthu chakufumira muchipangano chasono pera chara; ncthinthu icho chikuzunurika muchipangano chakare wuwo, chomenemene ku awo bakaba balendo panji bakujumphamo waka nthowa pakati pa banthu. Banthu bantheura baka kanizgikanga kutorapo lwande pa vinthu vinandi vya chisopo vya bina Israyeli (Kufuma 12.43-45), kwene bakapikanga mwabi wakupereka sembe kwa Chiuta (usange bakotoreka), na kuchita nawo chiphikiro cha Pasaka (Kupenda 14.13-15; Kufuma 12.48-49). Rute njumoza wachiyerezgero cha balendo pakati pa mbumba ya baYuda mwene uyo wakazgoka na kwamba kusopa Yahweh, na kunjira mu mbumba ya Chiuta. Chinthu chapakweru chomene icho chikulongora kukozgana na ichi ndi kuchemeka kwa Isirayeli kuti wawelere kwa Chiuta (mwachiyerezgero Yuda 3.1-4.4; Yesaya 55). Nanga wuli Israyeli ngwambura chipulikano, (Yeremiya 3.1-4), Chiuta wati wabe na lusungu pa banthu bake;

 3 Page 77 Chipulikano cha Bapostole na Lurombo

 4 Page 78 Kukhwaskana

 5 Page 80 Kulongosora fundo yakwamba