Chizgoka na Ntchemo, Ulongozgi wa Msambizgi

/ 1 9 9

C H I Z G O K A N A N T C H E M O

wakubachemera kukurapa na kusanga lusungu (Yeremiya 3.12-13; Yesaya 55.1-9). Kuzgoka na kurapa kukwenera kuwoneskeka na vimanyikwiro ivyo vikuwoneka kuwaro pa kuba chilongolero cha kuzgoka kwa mkati (Yeremiya 4.1-4). Nanga wuli, palije chimanyikwiro chakusinthika kwa munthu uko kungapangika na Israyeli payekha; wakwenera kukhozgeka na Chiuta mweneko (Zakariya 4.6; Yeremiya 3.22), nakusinthika kwa ubare wawo na Chiuta na yumoza na munyake. Kuzirwa kwa kuzgoka muchipangano chasono kungayerezgekera na umo Paulosi wakulongosolera za chizgoka chake mu buku la Bagalatiya 1.15-16. Kusinthika kwa Paulosi kukizaapowakakumanamasonamasonaYesuKhristu, kuti kukabakusinthika waka kwa chisopo chara. Kusinthika kwake kukaba kwakuziziswa na kwankhongono chomene na kusinthika kwa ghanaghaniro kake pa Chiuta, charu, umoyo, chiponosko na unenesko kwizira mwa Yesu Khristu. Ndipo wuli, tikupulikiska umo Baibulo likuyowoyera, chili pakweru chomene pakuwona chiyerezgero cha Paulosi, kuti wakazgoka ku umoyo wake wose, na kabiro kakusinthika kwathunthu lose la umoyo wake. Pambere wandazgoke, wakajilongosora kuba mufarisi wakugomezgeka chomene mwene uyo wakabikapo mtima wake wose kuluska banyake wose (Bafilipi 3.5-6; Bagalatiya 1.14). Kufumira apo wakakumana na Yesu wa moyo (1 Bakorinto 9.1-2; 15.8-10), Paulosi wakazgoka nakaringa, kung’anamura kusinthika (Bafilipi 3.7), wakatumika kuba mpostole wa kubanthu bamtundu (Bagalatiya. 1.15-16; 1 Bakorinto 9.1-2; 15.8-10) na mpharazgi wa mphinjika ya Yesu Khristu (1 Bakorinto 1-2). Kulongosora kwa makani gha umo Paulosi wakakumbanirana na Yesu Khristu kuli mu buku la Milimo 9, 22, na 26. Makani ghakuzgoka mu Baibulo nganandi ndipo ngakutowa: Chiuta wakuchema banthu kwa iyomweneko (1 Bakorinto 1.2), kubagura na ndopa zake (1 Bakorinto 6.20), kubafwatura na kubaponoska kunkhongono ya kwananga (Baroma 6.17-18), na kuba bakupokera uchizi wa Chiuta, mwabi wambura kujisangira (Baroma 3.21-26).

 6 Page 86 Kulongosora fundo yachibiri II-E-2

Mumakani ghanji (Nkhani) pa makani gha kuzgoka mu buku la mbiri la Milimo, tikuwona ubare pakati pa kuzgoka na chipulikano mu uthenga uweme wa Yesu Khristu. Makani ghakuzirwa gha kuzgoka kwa Sauli kuba Paulosi pa Milimo 9, 22, 26 kukulondezgana na kuzgoka kwa nthunguri ya ku Itiyopia (Milimo 8.26-

 7 Page 87 Kulongosora fundo III-D