Fight the Good Fight of Faith, Twi Edition

Mmataho 165

Mmataho 24 Nicene Gyidikansεm

Yεgye Nyankopᴐn, Agya Otumfoᴐ, ᴐsoro ne asase ne nneεma a yεhunu ne deε yεnhunu nyinaa yεfoᴐ no di. Yεgye Awurade Yesu Kristo baako, Agya no Ba a wᴐwoo no koro, Agya no woo no ansa na wiase nyinaa reba, Nyankopᴐn firi Nyankopᴐn, Hann firi Hann, Nokorε Nyankopᴐn firi Nokorε Nyankopᴐn, wᴐwoo no na wᴐammᴐ no, ᴐwᴐ esu korᴐ te sε Agya no ara, na εnam ne so na wᴐbᴐᴐ nneεma nyinaa no di. Nea yεn nnipa ne yεn nkwagyeε ntti na ᴐfiri soro baa fam na wᴐnam Honhom Kronkron ne ᴐbabunu Maria so maa no honam na ᴐbεyεε onipa no. Nea yεn nti bio, wᴐbᴐᴐ no asεnnua mu wᴐ Pontio Pilato nsa ano, ᴐhunuu amane na wᴐsiee no no. Da a εtᴐ so mmiεnsa no ᴐsᴐree bio sεdeε Twerεnsεm ka no, foro kᴐᴐ soro na ᴐte Agya no nsa nifa so. Ↄbεba bio wᴐ animuonyam mu abεbu ateasefoᴐ ne awufoᴐ atεn, na n’Ahennie to rentwa da. Yεgye Honhom Kronkron no di, Awurade ne nkwa-mafoᴐ, a ᴐfiri Agya no ne Ↄba no hᴐ ba. Nea wᴐka ᴐne Agya no ne Ↄba no bom sᴐre wᴐn, hyε wᴐn animuonyam no. Nea ᴐnam nkᴐmhyεfoᴐ no so kasaeε no. Yεggye asomafoᴐ asᴐre kronkron a εwᴐ baabiara di. Yεgye asubᴐ baako ma bᴐne fakyε tom, na yεhwε awufoᴐ wusᴐreε ne nkwa a εwᴐ daakye a εbεba no mu anim. Amen.