Kukoreska Ivyo ni Viweme
This is the Tumbuka version of "Holding Fast the Good."
Kukoreska ivyo ni Viweme: Kukuzga kaghanaghaniro kaweme na kankhongono pa kusura Balongozgi Rev. Dr. Don L. Davis
1 of 4
Kunozgekera chisambizgo: Mbiri ya chipulikano chakufikapo na kasambizga kudumbirana mwaku fikapo (The Historic Orthodox Faith and Teaching Critical Dialogue) Utebeti wa TUMI ngwambura kukhozgeka soni pa kujipereka ku mbiri ya chipulikano chakufikapo, kupenjerezga kuphara pakweru unenesko wose wa Baibulo uwo ukapharazgika na Bapostole ba Yesu ndipo wuli kuvikilirika munyengo zose na banthu awo bali kumugomezga Yesu na Mazgu gha Chiuta. Tikugomezga kuti usange munthu wali yose wachitenge makora mulimo wakugaba Mazgu gha Chiuta na kupereka ukaboni wakwenelera ku banthu bakutayika, ipo munthu uyo wakwenera kughamanya makora Mazgu gha Chiuta mwakuti bamanye kughagaba makora ku wose awo bakususkana na chipulikano chithu. Pa chifukwa ichi, tikupereka ungweru, fundo na maghanoghano kubasambiri pa ivyo tikureka kupulikana navyo kweniso vikususkana na kachitiro ka chikhristu. Ulato pano ngwakuti tisuskane na ivyo basambiri bithu bakugomezga na kupulikana navyo chara, kweni kubakhwimiska na kubakhozga muchipullikano chawo mwakuti babe bankhongono pakupharazga na kuthandazga Ivangeli la Fumu yithu. Ndi pekhapekha apo tikukwaniska kususka utesi uwo wanjira mukati mumpingo ndipo ukuwoneka ngati mbunenesko. Pakusambizga unenesko ndipo pekha apo tingamanya kuthaska na kuvikilira banthu awo Chiuta wali kutichemerako kubatebetera. Kuchuruskika chara usange fundo izo zili mu buku ili ziwonekenge kuti ndi zakususkana na ivyo takhara tikusambizga mu mabuku ghithu. Palije murongozgi mweneuyo wangamanya kuchita makora mumuwiro uwu weneuwo sayansi na intaneti vili munthazi chomene, kwambura kukumana na visambizgo panji fundo izo wakuleka kukoleranako nazo. Chakukhumbikwa nkhupulikiska ivyo vikusambizgika panji kuyowoyeka, na mtima wakuzika ku banthu wose, nanga bangaba banthu awo mbakususkana na chisambizgo chaneko icho chili kuvikilirika mumbiri yose ya chikhristu.
Rev. Dr. Don L. Davis, (PhD, U. of Iowa) ndi mulongozgi mlara, mweneuyo wali na mlimo wakuchiska Mlongozgi (Prezidenti) wa wupu wa World Impact. Ndiyo wali kwambiska utebeti wa The Urban Ministry Institute (TUMI), chigaba cha utebeti wa World Impact wenewuwo wuchita mlimo wakufufuza na kusambizga banthu.
© 2008. The Urban Ministry Institute. Mazaza ghose ghakulembaso panji kung’anamulira buku na visambizgo ivi ghali mumawoko gha wupu uwu.
Kupambana kwa Fundo na Kalabiskiro ka vinthu: Umo Bakhristu bangayowoyera pa suskano
www.worldimpact.org
www.tumi.org
Mlimo wakurwana na fundo zambura kukoleranako nazo ndiwo mlimo wekha chara uwo bakhristu bali nawo. Bakwenera kusambiraso kudumbirana
TUMI mbutebeti wa World Impact, Inc.
2 of 4
Kukoreska ivyo ni Viweme / Rev. Dr. Don L. Davis
na kuzomerezga kuleka kukoleranako na banthu awo fundo zawo bapambana nazo. Basambiri bithu bakufumira muvipulikano vyakupambanapambana kufumira mumalufura ghakupambanapambana. Ntchapafupi chomene kulongora kufumira mumbiri ya chipulikano, kuti, banthu bakupulikana mwakujipereka, na bakujintha chipulikano chawo mu Mazgu gha Chiuta, na mu midauko yakwenelera, bakhara bakususkana na kureka kukoleranako pa fundo zakupambanapambana pakati pa yumoza na munyake. Utebeti wa TUMI ukudidimizga na kukhazikika chomene mumbiri na mdauko ukuru uwo ukuwoneka mu chipulikano cha Baposotole. Umu ndimo muli kuphara kwithu kwapakweru pa ivyo tikupulikana na kugomezga ndipo ndivyo ndi vinthu ivyo vikutikora na kujinthamo chipulikano chithu. Tikupulikana kuti chikhristu cheneko chili kujinthika pa chipulikano ichi ndipo ndimo bakhristu wose kucharu chose bakwenera kupulikana. Pakulabiska makani agha, tikuchiska basambizgi bithu, barongozgi na basambiri bithu wose kuti basangane na kudumbirana na banthu awo bali na fundozakupambananaizoiwobalikukoreska.Tikugomezgakutikudumbirana na banthu bakupulikana mwakupambana nawo, kwambura kughazomerezga maghanoghano agho, nkhwakovwira pakusanuzga kaghanaghaniro kawo na kukhozga chipulikano chawo. Tikugomezga kuti kukwaskana na banthu bantheura kukovwira kukuzga kaghanaghaniro kithu. Kusambizgana kwithu kukwenera kutinozgekeskera na kuwuska nkhumbi zithu pakuba na khumbiro lakupereka zgoro lakwenelera kuwose awo bakutifumba ivyo ise tikugomezga, kweniso timanye kulongosora makora chifukwa icho tikureka kupokelera na kuzomerezga fundo zawo. Kulabiska na kudumba pa fundo zakupamba na izo ise tikugomezga kuti ndi za unenesko kungavwira kusura maghanoghano ghithu na kutovwira kuvikilira unenesko.
© 2008. The Urban Ministry Institute. Mazaza ghose ghakulembaso panji kung’anamulira buku na visambizgo ivi ghali mumawoko gha wupu uwu.
Masambiro ndi kukoreka umkori chara: Kutorapo lwande na kususka kwambura kuchombora
Masambiro agha ghali na ulato wakutizubika muvipulikano chara; kwene, tikukhumba kuti basambiri na balongozgi bithu bakhare na umanyi wakufikapo mwakuti bagabane uthenga wachiponosko na makani ghamkati mwake, mwakwenelera na mwambura kuchombora banthu. Mwaunenesko
www.worldimpact.org
www.tumi.org
TUMI mbutebeti wa World Impact, Inc.
3 of 4
Kukoreska ivyo ni Viweme / Rev. Dr. Don L. Davis
wose, masambiro gha vya Chiuta, tikwenera kuba bakuchenjera chomene nga ndi njoka na bakuzika nga ndi nkhunda. Umanyi pakuyowoya na banthu awo mbambura kupulikana nga ndi umo ise tikupulikana, kupereka na kuphara fundo izo ise tikupambana nawo, kubasambizga na kubarongozga makora kwambura kuchomborana nawo, ntchinthu chakuzirwa chomene pa mrongozgi na Mkhristu wali yose. Tose tikukumana na fundo zachirendo na zambura kukhozgereka na Mazgu gha Chiuta kweniso kasopero kakupambana na umo ise tikusopera. Ntheura ntchakwenelera chomene kuti timanye makora chisambizgo na chipulikano cha unenesko icho chakhara chavikilirika munyengo zose. Chigaba chikuru chomene cha visambizgo vya utebeti wa TUMI, ntchakukhozga na kukhwimiska basambiri apo bakukumana na fundo, visambizgo, visopo vyakupambanapambana, apo iwo bakukoreska ivyo ndi viweme na vyakwenelera (1 Batesalonika 5.21). Paulosi wakuchiska bakhristu bakubatesalonika apo wakupereka dango ilo tose ise tikusambizga na kusambira vya Chiuta mu visambizgo vya TUMI tikwenera kukoreska. Ulato wa visambizgo vya TUMI ngwakukanizga banthu kumanya panji kusambira ivyo vipulikano vinyake vikuyowoya chara, nanga wuli fundo na visambizgo ivyo vingaba vyakutimbanizga. Ulato ngwakuti banthu bamanye na kuyowoya unenesko mwachitemwa, na mwamtende pa kukhazikika mu Mazgu gha Chiuta, apo Yesu ndiyo ndi lufura, na ulato wakupemberezga awo bakusanga kuti bali muvipulikano vya utesi na visambizgo vyakupuruska. Tikukhumba kuti wose basambiri na basambizgi bapereke ntchindi ku banthu awo bakukoreska visambizgo vya utesi ivyo vikususkana na chipulikano cha unenesko, nanga wuli kwambura kuzomerezgana nawo. Bachite ntheura kwambura kupuruskika panji kutaya ivyo iwo bali kusambira na kupulikana kufumira muchipulikano cha Bapostole. Muvisambizgo vithu vyose musangenge kuti mukukumana na fundo izo ndi zambura kuzomerezgana na chisambizgo chaunenesko, mwantheura, kukumana na panji kusambira fundo izi kuti kuli na ulato wakumupuruskani chara kwene kumukhozgani. Tikusazgamo visambizgo ivi na fundo izi na ulato wakuti muvikore chara kweni kuti mukuzge kaghanaghaniro kinu mwakuti kabe kakunyoroka mwakuti mumanye kuyowoya na banthu awo mbakupuruka, mwantchindi
© 2008. The Urban Ministry Institute. Mazaza ghose ghakulembaso panji kung’anamulira buku na visambizgo ivi ghali mumawoko gha wupu uwu.
www.worldimpact.org
www.tumi.org
TUMI mbutebeti wa World Impact, Inc.
4 of 4
Kukoreska ivyo ni Viweme / Rev. Dr. Don L. Davis
apo mukukuzga chipulikano chinu. Ulato ngwakuti mukure muchipulikano chinu na kutiso mumanye kusambizga awo bakumrondezgani pakumrondezga Yesu.
Chipulikano chikupenjerezga Umanyi: Kusanda vinthu vyose, Kukoreska ivyo ndi Viweme
Chiuta watovwire pakupereka uchizi kuwose banthu awo tikutebeta nawo mwakuti bamanye kuyezga na kusanda na kukoreska vinthu ivyo ndi viweme pose apo vikulingwika na Mazgu gha Chiuta. Ulato ngwakovwira banthu awo bali kukoreka muvisambizgo vya utesi, kuphara unenesko kwambura kuchombora banthu, kuthaska unenesko kuwujira wuli wose, kovwira banthu kujintha chipulikano chawo mu unenesko wakufumira mu Mazgu gha Chiuta mwakuti bakure muchipulikano chawo mwa Yesu Khristu muchisambizgo cha kwenelera cha Chiuta.
Iko tiyeni sono tipulikire kuchiska kwa Paulosi uko wakapereka kwa bakhristu ba ku Tesalonika:
1 Batesalonika 5.21 - kweni pimani vinthu vyose. Koreskani icho nchiweme.
Mphanyi Chiuta watipasa uchizi wakuti timanye na kuvikilira unenesko weneuwo ukutisutura na kuba banangwa!
© 2008. The Urban Ministry Institute. Mazaza ghose ghakulembaso panji kung’anamulira buku na visambizgo ivi ghali mumawoko gha wupu uwu.
www.worldimpact.org
www.tumi.org
TUMI mbutebeti wa World Impact, Inc.
Made with FlippingBook - Online Brochure Maker