Kurwa nkhondo ya Chipurikano

102 • Kurwa nkhondo yiweme ya Chipurikano

ndipo mundipe umanyi muvinthu vinu na umo ndingavifiskira na mtima wane wose. Ba Dada Chiuta, Chonde mundizgore kuba wakupurika lubiro, nakuba muzito kuyowoya, wambura kukwiya lubiro (Yakobe 1.19). Zomerezgani kuti mazgu ghakufuma mumlomo mwane na marunguruko gha mumtima mwane ghabe ghakupokelereka ka imwe. Zomerezgani kuti ndiyowoyenge unenesko winu na vinjeru mwakuti ndireke kukhubazga banthu kwene kuti bandipurikiske na kwandurapo kanthu kufumira muwunenesko winu. Mundisambizge muchisambizgo chinu apo nkhupokera mazgu na ntchisko yinu. Nkhupempha vinthu vyose ivi kwizira muzina la Yesu Khristu, Fumu na Mthaski wane, Amen. 1. “Banthu bara mbake ba Chiuta chara – Kasi banthu bara mbarwani ba Chiuta chara?” Mucharu umo nkhondo na viwawa vikuchitika chifukwa cha visopo vyakupambana-pambana, ntchipusu chomene pakurabiska kakwamba, kughanaghana nkhondo yithu njakurwana na banthu. Mucharu chose chapasi banthu bakuwona kuti bakumumanya chomene Chiuta na kwamba kukoma banthu muzina la Chiuta. Bakukoma banthu awo bakuwona kuti mbambura kwenelera pa maso pa Chiuta. Wose awo bakusopa Chiuta mwambura kuyana na kasopero kawo, bakubawona kut mbarwani bawo. Mwawunenesko wose, banthu bakuchitirana vinthu vyakofya chomene pacharu, kufumira mumawunyankhasi ghakupambana-pambana na kwanangirana kwakofya chomene. Kwene usange tikubazga Baibulo, tikuwona kuti nkhondo yithu kuti nja kurimbana na thupi na ndopa chara, kwene na mizimu iyo yikutebeta kwizira mu banthu pakuparanya na kwananga vinthu mu charu. Kasi unenesko uwu ngwakuzirwa wuri kwa munthu uyo wazgoka sono? 2. “Chilwero cha Satana chakubisika kwene chakuwoneka.” Baibulo likuyowoya pakweru kuti nkhondo ya Satana kuti njakuwoneka na maso pakachitiro chara. Pakatikati pa virwero vya Satana pari boza, mphinthano zambura kuwonekera kuti ziheni, zakuwoneka ngati kuti ziweme chomene na zakugomezgeka. Utesi wose uwu ukurazga pakusambizga banthu na kubapanikizgira kuti Chiuta kurije. Pawumaliro pa vyose pakuwoneka kuti chirwero cha Satana chikubisikaso chara. Mwawupusu, Satana ndi mutesi ndiposo ndiyo ndi dada wa utesi wose. Kasi imwe mukughanaghana kuti ntchifukwa wuri Satana wari kusankha utesi kuti ndiwo watebeteskerenge, chinthu icho ntchapakweru chomene? 3. “Nanga wuri muri bakutonda, mukwenelera kukulwera.” Chimoza mwa vinthu icho bapostole bakadidimizgapo chomene muvisambizgo

Kukhwaskana