Kurwa nkhondo ya Chipurikano

Chisambizgo cha chinkhonde na chibiri Murwani uyo tikurwa nayo • 103

vyawo, ntchakuti tikwenera kutorapo lwande pa nkhani ya Chiuta. Mwawupusu, nanga wuri ndi Chiuta uyo wakutilwera nkhondo zithu zose, pakumutonda Satana, murwani withu, ise tikwenera kujikirana nayo. Nanga wuri Yesu wari kumutonda Satana pa mphinjika, kuvivya kuti ntchinthu chakumanya-manya chara. Nanga wuri Chiuta wari kutitondera murwani na kutizgora ise kuba banangwa kwizira mundopa za mwana wake Yesu Khristu, ise tikwenera kujitolera kutonda uku pakupanikizgira unenesko na kukana utesi. Apo tikuchita ntheura, tibenge banthu bakusinthika mukachitiro kithu, ubare withu na banyithu, na kaghanaghaniro kithu kose. Kuvivya nkhwithu kwene kukwenera kutoreka kwizira mukurwa na kukuvikilira dazi na dazi. Chiuta wakurongozga bakupurikana wose kuti bajiperekenge na kujirambika kwa iyo, kujikirana nayo Satana, ndipo pekha apo murwani wati wachimbirengeko kwa ise. Kasi ntchifukwa wuri mukughanaghana kuti Chiuta wati watipe ise kutonda pekha-pekha usange tatorapo rwande pakurwa na murani withu na kujikirana nayo munthowa zake zose zakukhumba kutipweteka, kutipusika, na kutitonda ise? Muchisambizgo icho chajumpha ( Ntchisko iyo tikukhumba ) mukasambira kuti tikwenelera kutemwana yumoza na kujipereka kwa yumoza na munyake mukati mumpingo. Sono muti musambirenge vinandi vyakukhwaska murwani withu mu nkhondo yiweme ya chipurikano. Chifukwa cha Satana charu chose chazura na zinkhondo, ndipo ise tiri bankhondo ba Chiuta. Kukhara pakatikati ntchambura mapokerereko kwene kutorapo rwande. Murwani withu Satana wakurongozga vinkhara ivyo khumbo lawo nkhuparanya, awo mbaryarya na bachenjezi. Bakutebeteska kuwa mukwananga kwa charu, makhumbiro ghamathupi ghithu, mwakususkana na Satana. Tikwenera kuba maso na kurimbana nayo Satana na mizimu yake yiheni. Tikwenera kukumbukaso kuti parije munthu wari yose uyo ndi murwani withu. Nanga wuri tikukumana na vyakofya muwuzimu mumphepete yiri yose, Chiuta wari nase ndipo wakutovwira kuti tirwe nkhondo yiweme ya chipurikano, nanga murwani wabe wakofya wuri. Nanga wuri Yesu wari kumutonda Satana na kupereka kuvivya kubakhrsitu, bakhristu bakwenera kujitolera kabiro kakurwa nkhondo, kuba tcheru na kujikora nyengo zose. Tikwenera kuba ba nkhongono, wakwima nganganga na kujika munyengo zose pakuti murwani withu (Satana) nyengo zose wakuperenjerezga mwabi wakuti watinange na kutimarizga. Kwizira mu wutesi na mawutunduzi, wakupenja kutimirimitizga, kutigongoweska apo tikurondezga Yesu Khristu. Mwantheura, tikwenera kusambira kujikirana nayo Satana, na kwima. Tikwenera kujithaska kuwurwani wose uwo wakwiza nawo pakujiphalira

Chisambizgo