Kurwa nkhondo ya Chipurikano

110 • Kurwa nkhondo yiweme ya Chipurikano

Makani gha chiyerezgero

Bazgani na kurangurukirapo pa fundo, kaghanaghaniro na makani agha, mukachitiro kake pakurabiska pa ivyo mwasambira. 1. “Nkhuyezga kupurikiska kuti kasi kuyima nganganga muchipurikano chikung’anamurachi’, kwene kuti nkhupurikiska chara.” Pamanyuma pa kubazga na kusanda Baiburo kwa kanyengo katari, munthu munyake pamoza na banyake, wakarangurukirangapo pa mazgu gha pa 1 Petros 5.8-9: Mube bakuzika, ndiposo mube maso! Chifukwa murwani winu Satana nga ndi nkharamu iyo yikuwuruma wakuyingayinga kupenja uyo wangamurya. Milirani na nkhongono mu chipurikano chinu, mwimikanenge nayo, uku mukumanya kuti bakhristu banyinu ba mu charu chose cha pasi nawo bakukomwa ntheura pera. Wakayezganga kupurikiska icho mazgu agha ghakung’anamura kuyima nganganga muchipurikano. Muchisambizgo wakapurika murongozgi wakuyowoya kuti, “jikiranani nayo Satana” nga ndi umo ghari kurembekera mu Baefeso 6.11-13 na Yakobe 4.7. Ichi chikung’anamura kuti mugomezgeke, pakumugomezga Chiuta pa mazgu ghake, nanga wuri vinthu vikurongora kwenda mwakupambana na umo vikwenerera kwendera. Wakasuzgikanga chomene na ivyo wakasambiranga. Wakaba na mafumbo ghanandi chomene. Kasi ichi chikung’anamura kuti nkhwenera kukayika chara? Kungaba wuri usange ndasangika kuti nkhukayika panji nkhuwa lunkhuwa? Kungaba wuri usange ndawa panji natheremuka muchipurikano? Kasi ndingawukaso? Kasi mungamovwira wuri munthu wantheura kuti wapurikiske kuti ngwakuponoskeka ndipera nanga wasangike mumasuzgo ghantheura? 2. “Kasi ntchifukwa wuri Chiuta wakuzomerezga kuti Satana watisuzgenge na kutitimbanizga nyengo zose, nanga wuri Fumu Yithu Yesu Khristu wari kumutonda na kuvivya na kutipa ise kuvivya pa Satana?” Chinthu icho bakhristu bakubabika sono bakutondeka kupurikiska ntchakuti kasi ntchifukwa wuri bakwenera kuyimilira nganganga muchipurikano chawo pakurwana na mawutesi gha murwani Satana, apo Yesu wari kumutonda kare Satana? Mbunenesko nadi, Yesu wari kumutonda Satana pa mphinjika (Bakolose 2.15), ndipo bakupurikana barikumutonda Satana kwizira mundopa za Yesu Khristu izo ziri kuthika pa mphinjika na mazgu gha ukaboni wawo, pakureka kutemwa nanga mbumoyo wawo (Uvumbuzi 12.9 10). Ntchifukwa wuri pera, usange kuri ntheura, bakhristu bakwenera kurwa nkhondo ndipera? Kasi ntchifukwa wuri Chiuta wakuzomerezga kuti Satana warwenge nkhondo na bakhristu, nanga wuri Yesu wari kumutonda pa mphinjika (1 Yohane 3.8)? (Fundo: Yesu wakuti kurije wantchito mweneuyo wangaba pachanya kuruska bwana wake, labiskani pa Yohane 13.16.) 3. “Parije uyo wangamanya kupurikiska urwirwi na kupwetekeka uko ine ndajumphamo.” Pose apo tikukumana na mawunono, panji