Kurwa nkhondo ya Chipurikano

Chisambizgo cha chinkhonde na chibiri Murwani uyo tikurwa nayo • 111

kutaya babare bithu, zintchito, vyakuzirwa ivyo vikutovwira pa umoyo withu, tikupwetekeka chomene pa umoyo withu ndipo tikuwona ngati kuti parije munthu wari yose mweneuyo wari kujumphamo mu ivyo tikukumana navyo. Tikuwona kuti kabiro kawurwirwi uwo tikujumphamo ngwa ise pera ndipo tikuwona gati kuti parijeso munthu munyake mwene uyo wangapurikiska ivyo tikujumphamo. Tikuba bakugongowa na kudindibara chomene mwakuti tikuputikiska chara kuti kungaba banthu banji awo bakukumana na ivyo ise tikujumphamo ndipo parije munthu uyo wangatipurikiska. Mavesi ghanandi mu Baibulo ghakusachizgira kuti ndimo vinthu viriri chara. Nanga vingasuzga wuri viyezgo ivyo tikujumphamo, tikwenera kumanya kuti bakhristu banyithu mucharu nawo bakujumphamo mu vyanthena ivi. Paulosi wakuyowoya ku Bakorinte (1 Corinthians 10.13) kuti, “ Parive chiyezgo icho chiri kumukorani cheneicho ntchirendo ku banthu; Chiuta ngwa kugomezgeka, ndipo kuti wati wamurekani kuti muyezgeke kuruska pa nkhongono zinu chara, kweni para cheyezgo chikwiza ndipo pa nyengo yeneiyo wati wamunozgerani nthowa yakutaskiramo, mwakuti mumanye kuzizipizga.” Mukwenera kumanya kuti Chiuta withu ngwakugomezgeka – ndipo wati wazomerezge chara kuti muyezgeke mwakujumphiska msinku winu. Nyengo zose wati waperekenge nkhongono na nthowa yakutondera chiyezgo. Kasi kupurikiska kwithu pa fundo iyi kungatovwira wuri kuti timanye kutonda viyezgo munyengo zinonono? Tikwenera kumuwonga Chiuta nyengo zose, mweneuyo wakutipa kutonda na kutipa nkhongono zakutondera murwani withu (1 Bakorinte 15.57)! Tiri kuwomboreka kunkhongono za Satana, kufwaturika na kunjizgika muwufumu wa Chiuta kwizira mundopa za mwana wake Yesu Khristu pa mphinjika (Bakolose 1.13). Kuvivya kukuru uku nkhwithu, kwene tikwenera kusambira kwimikana nayo Satana, murwani withu na kunjira munkhondo yiweme ya chipurikano. Ghanaghanirani vigaba ivyo imwe muri kuchemeka kukamwimira Yesu (Yesu Chatonda) mu mbumba yinu, na pakati pababwezi, muwuzengezgani, kweniso na mukati mubanthu awo mukukumana nawo. Sono imwe manyani kuti ndimwe basirikari ba Yesu (2 Tim. 2.1-8), kweniso muri kuchemeka kuti mwimikane nayo Satana na kumutonda chifukwa cha Chatonda Yesu Khristu mwene uyo wari kumutonda kare. Chimoza mwa vinthu ivyo tikwenera kusambira munkhondo iyi ntchakuti tikwenera kumanya kujiyowoyera viweme pa ise tekha kwakuyana na Mazgu gha Chiuta. Kuti ndi vinthu ivyo tikukumana navyo vikutipangiska kuba bakukhwima mu chikhristu chara, kwene ivyo tikujiyowoyera patekha kufumira mu Mazgu gha Chiuta panji mucharu. Vinthu ivyo tikughanaghana, ivyo tikujiyowoyiska kufumira mu Mazgu gha Chiuta panji kufumira mumaghanoghano ghithu ndivyo vikutipangiska kuti tibe

Kukhwaskana