Kurwa nkhondo ya Chipurikano

112 • Kurwa nkhondo yiweme ya Chipurikano

bakutonda panji bakutondeka munkhondo iyi. Tikwenera kusambira kujipharira unenesko pa makani gha nkhondo iyi, icho ise tiri, kuvivya kwa Yesu Khristu, kweniso na vilwero ivyo Chiuta wali kutipasa vyakutovwira kuti timanye kutonda murwani withu. Vinthu ivyo tikughanaghana usange vyafumira kuwaro ndivyo vikuzgoka kabiro kithu, ipo tikwenera kusambira kukhara munkharo yiweme yasono, ya mwa Yesu Khristu. Tikwenera kusambira kukoreranako na Yesu Khristu, kukhozgera ivyo Yesu wakuyowoya na kukhumba mukati mukumutonda kwake Satana na uheni wake wose, ndipo tikwenera kupurikana kuti usange tikujirambika kwa Chiuta na kwimikana nayo Satana na utesi wake wose, wati watichimbirenge. Yambani sono nthena kumufumba Mzimu Mtuba, kuti wamurongozgani kuti mumanye utesi wa Satana uwo mukagomezganga nyengo zose. Dumurani kurongosora umoyo winu kwizira pa unenesko wakufumira mumazgu gha Chiuta na kutonda uko Chiuta wari kumupani, kuruska kufumira umo vinthu vikuwonekera na maso. Kusambira nkharo yipya na kaghanaghaniro kapya vimutoreraninge nyengo kuti muvimanye na kufiska kuchita, mwantheura mukwenera kuziza. Apo mukukoreska unenesko na kukoreska kuvivya uko Chiuta wari kumupani mwa Yesu Khristu, ndipo mukuba na nkhongono, na kumupangani kuti mube bachanduro chomene munkhondo iyi. Yambani muhanya wuno, kupempha kwa Chiuta kuti wamupani nkhongono apo mukudumura kukhara umoyo wupya, nkharo yipya, na maruso ghapya. Apo mukuchita, muti mukharenge umoyo wakutonda mwa Yesu Khristu, kuthaskika kukudindibara na kuwerera Nyuma na kukura mukukwima mwa Yesu Khristu mu chikhristu chinu. Nkhumanya kuti ndiri na murwani mweneuyo wakundironda nyengo zose na urato wakundigongoweska kuti nditondeke kuchita makora paurendo wane wa uzimu. Ntheura kuti nditondwenge panji kuzizikika chara usange mawunono ghakwiza. Munthu munyake zina lake Anselm wakuchigaba cha Canterbury (1033 – 1109), wakababikira kucharu cha France ndipo wakazakaba murongozgi wa mpingo mu charu cha England. Wakumanyikwa kuti ndiyo ndi chata wavyamasambiro chifukwa cha ntchisko yake kuti banthu bayambe kusambira na kusanda vya kabiro ka Chiuta, banthu na Charu (theology). Ndiye wakambiska kuti banthu bafumbingepo mafumbo pakabiro ka Chiuta.

Kukhozgera

Lurombo