Kurwa nkhondo ya Chipurikano

Lurombo lwa Anselm

BaDada Chiuta, Fumu yane Mundisambizge umo ndimumanyirani na uko ndingakumana namwe, Ndingamusangani wuri ndipo ndingamusangani nkhuni. Muri kundipanga na kundipangaso, Ndipo muri kubika pa ine Vinthu vyose ivyo ndiri navyo, Kwene ndichari nindamumanyeni Ndichari nindapange Icho ndiri kurengekera. Mundisambizge kumupenjani, Pakuti ningamanya chara kumupenjani Pekha-pekha mundisambizge, Panji kumusangani Pekha-pekha mujirongore kwa ine. Zomerezgani kuti ndimupenjeni mukhumbiro lane lose, Bakutemweka baDada Chiuta, wiske wa Fumu yithu Yesu Khristu, nkhumuwongani chifukwa cha kuvivya uko muri kundipa pa murwani Satana. Chitemwa chinu pa ise chiri kuzomerezga kuti mutipe ise mwana winu Yesu Khristu nakuti pasono, tiri bakusuturika kufuma ku Ufumu wa Satana na kunjizgika mu Ufumu wa mwana winu Yesu Khristu. Muri kutigowokera zakwananga zithu, muri kubikapo mtende kwizira mu mndopa za mwana winu Yesu Khristu ndipo muri kutipa umoyo wamuyirayira muzina lake. Yewo chomene, baDada Chiuta, kuti ise sono ndise bana binu mwakuti Mzimu Mtuba wakutirongozga na kutidangirira nakuti sono tingamanya kwenda mukutonda mzina la Yesu Khristu. Mungatitoreranga mukuyezgeka kwene mutithaske kuwuheni. Khumbiro lithu chomene – chomene ndakuti imwe murumbike na kukwezgeka pachanya pavyose na pavyose ivyo tikuchita. Mutipe uchizi muhanya wuno mwakuti timanye kumukondweskani, pakuti imwe pera ndimwe mukwenerera kurumbika. Mzina la Yesu Khristu ndaromba, Amen. Ndimunwekereni mukumukhumbani kwane Ndimusangeni mukumutemwani kwane kose, Ndimutemwani usange ndamusangani.

~ Don L. Davis. A Sojourner’s Quest . Wichita, KS: The Urban Ministry Institute, 2010, p. 98.

Kulirira kwa Chiuta

113