Kurwa nkhondo ya Chipurikano

122 • Kurwa nkhondo yiweme ya Chipurikano

9. Lupanga lwa Mzimu ndiwo Mazgu gha Chiuta, agho Chiuta wari kutipa, wari kughathutira, ndipo ngankhongono kutivwarika na kutinjirikizga kurwa kwakwenerera mu urendo withu munkhondo iyi yachipurikano. Bazgani 2 Timoti 3.16-17. Lembani vinthu vitatu ivyo Baiburo likutikhwimiska navyo mwakuti timanye kurwa nkhondo yakwenerera. 10. Usange tikukhumba kuti tibe bakuchita makora munkhondo iyi ya Uzimu, tikwenera kusazgirapo pa chipurikano chithu vinthu ivyo vikovwira kuti tibe banthu bachanduro mu ukhristu withu. Bazgani 2 Petros 1.3-11 ndipo zgorani mafumbo ghakurondezgapo: a. Kasi nkhongono zake zatovwira wuri ise? (v. 3) b. Pakuti tiri na marayizgo ghake na phangano lake, kasi tiri na mwabi wuri? (v. 4) c. Padera pakukhozga Chipurikano chithu na uweme wose, kasi ntchivichi chinyake icho tikwenera kupenjeseska? (v. 5-7) d. Kasi tingachita wuri kuti tireke kuba wakutondeka munkhondo iyi na muwumanyi withu wa Yesu Khristu? (v. 8) e. Kasi munthu uyo warije kabiro aka wakuba wuri? (v. 9) Mukhristu wari yose wari pa nkhondo yikuru chomene na charu, makhumbiro gha thupi, na Satana. Nkhondo iyi kuti njakurwa na banthu chara, kwene njakurimbana na mizimu yiheni iyo yiri muchanya, yawukazuzi iyo yikupenjerezga kunanga na kuparanya, kutimbanizga unenesko, kwananga bakupurikana kwizira muwutesi na mawubendezi. Satana wakuwuruma nakupenjerezga wakuti wamumirimitizge (1 Petros 5.8-9), ndipo tikwenera kuba maso pakumanya uryarya wake na mawuchenjezi ghake ghose. Kurwa kwake nkhwakurimbana na maghanoghano na mitima yithu. Usange tikukhumba kuti tiyime na kurimbana nayo Satana munkhondo iyi, tikwenera kuzomerezga kukhozgeka na mahomwa gha Chiuta agho wari kupereka. Murwani withu wakutebeteska chomene utesi, wene uwo Baibulo likuwuchema kuti mivwi ya moto, yene iyo yikuzimwika na chishango cha chipurikano (icho chibaro cha mahomwa gha Chiuta). Mukusazgirapo, tiri kupika lamba wa chipurikano, ngunya ya urunji, skapato za uthenga wa mtende, chipewa cha chiponosko, na lupanga lwa Mzimu Mtuba, Mazgo gha Chiuta.

Mwawufupi