Kurwa nkhondo ya Chipurikano

Chisambizgo cha chinkhonde na chitatu Virwero (Mahomwa) ivyo tikutebeteska • 123

Mungafwanga lunkhuba chara apo mukunjira munkhondo iyi ya Uzimu. Toranipo lwande pakukomwa na kwenda mumbawunono, pakuba basirikari ba Khristu. Kumbukirani kuti, kurije msirikari uyo wari mukati munkhondo wakusangikaso wakuchita vyabanthu bamucharu, chifukwa khumbiro lawo ndakumukondweska Chiuta uyo wari kubachema na kubanjizga muwupu wabasirikari (2 Timote. 2.3-4). Kutimba kwa murwani kwizira muwutesi, kutundura, kususka, na kutiwezgera Nyuma ndi vyarutaruta. Kusambira kurwa vikukhwaska kusambira kuba bakuzizipizga na kurimbikira mukurwa nkhondo mwakugomezgeka. Kurutirira kutebeteska kwinu mahomwa gha Chiuta kukumupani nkhongono zakumanyira kuchita makora pose apo mukusangana na mawunonono. Mube bakuzika na bakurindizga pa Fumu. Ndondomeko izo zingamovwirani kusazgirapo pa umanyi winu pa ivyo mwasambira: Umo mungambira kubazga Baibulo (Ndondomeko. 3) Kupurikiska Baibulo lose na muvigaba vyake (Ndondomeko. 13) Ndondomeko ya Mazgu gha Chiuta mwawufupi (Ndondomeko. 17) Mundandanda wa Mitu ya Muchipangano chasono (ndondomeko 18) Kuphara pakweru za Mesiya: Ubare wa Mabuku gha Ivangeri (ndondomeko 19) Chiuta watumphuskike! Nthowa zinkhonde na zibiri zakumupenjera Chiuta na kutemwera kwake (Ndondomeko 23) Suzgo likuru chomene la umoyo wa chikhristu likwamba pa dazi liri lose apo mwawukira na mrenje. Vyakukhumba vinu vyose na chigomezgo chinu vikumupukwani ngati ndi mbabara yikuchimbirira ku maji. Chakukhumbikwa ntchakuti mukwenera kuviwezga vyose mwakuti vireke kumupani nthangwanika. Mungaviwezga pekhapekha usange mukujiyowoyeska makani ghachiponosko, gha unenesko wa Chiuta; pakutegherezga mazgu gha nkhongono gha Chiuta, mukumanya kususka utesi wa Satana. Pakwamba vingatisuzga kwene usange tazgobera kuyowoya kufumira mu Mazgu gha Chiuta, unenesko wa Chiuta, umoyo withu ukwamba kukura na kuba msirikari wankhongono chifukwa tayamba kuzomerezga Mzimu Mtuba wakutebeta mwa ise. Umoyo withu ukufumira mukati mwithu na kusintha kuwaro kwithu mukachitiro kithu kose.

Ndondomeko

~ C. S. Lewis. Richard J. Foster and James Bryan Smith, Eds. Devotional Classics: Revised Edition: Selected Readings for Individuals and Groups. Renovare, Inc. (HarperCollins Publishers), New York. 1993. p. 9.