Kurwa nkhondo ya Chipurikano

124 • Kurwa nkhondo yiweme ya Chipurikano

Virwero vithu (Mahomwa) ghithu kuti ngamucharu chara (2 Bakorinte 10.4).

Fundo Zikuru-Zikuru

Nkhani ya chiyerezgero

Bazgani ndipo rangurukiranipo pa makani agha, na fundo zake ndipo mupereke fundo zinu, pakurondezga ivyo mwasambira. 1. “Kuti ndivyose ivyo vikwiza mumaghanoghano ghinu ndi vyakufumira kwa Chiuta. Sambirani kujifumba uko vyafumira!” banthu awo bazgoka sono bakwenera kupurikiska kuti maghanoghano ghithu ngakudukaduka ngati maro ghakurweramo nkhondo ya Uzimu. Murwani wakutipukwa chomene kwizira mumaghanoghano ghithu, ndipo wakutisachizgira utesi unandi chomene panji kubendezga unenesko. Usange wuryarya na kubendezga uku vyapokerereka, vingapangiska munthu kuti wadindibare, wafwe lunkhuba, wadonde na kuba na nkharo yiheni. Nanga wuri tiri na mahomwa gha Chiuta agho ghakutovwira kurwa nkhondo zithu na kujikirana nayo Satana, tikwenera ndipera kusambira kujiyowoyera makani ghawemi na kumuyowoyera unenesko Satana pakutebeteska Mazgu gha Chiuta pakurwa na kumuthereska murwani. Bazganiso mbiri ya Yesu Khristu nga ndi umo yiri kurembekera pa Mateyu. 4.1-11 umo wakasuskirana na Satana. Kasi Yesu wakatonda wuri viyezgo vya Satana? Kasi wakatebeteskachi kuti wamutonde? Kasi Yesu wakazgorachi ku wutesi wa Satana? Kasi ichi chingatisambizgachi pa umoyo withu wa Uzimu na nkhondo izo tikurwa? 2. “Nkhuwona kuti ine ningafumamoso chara mumasuzgo agha. Kwane Kwamara.” Mumadazi gharero, wariyose wakukhumba kusanga ivyo wakukhumba mwarubiro chomene, ndipo mwawupusu chomene. Parije munthu mwene uyo wakukhumba kuchedwa kusanga icho wakukhumba. Umoyo wakurimbikira na kurindizga wuri kumara, wariyose wakukhumba kusanga mwarubiro-rubiro. Kabiro aka kakutimbanizga bakhristu chifukwa bakukhumba ngati kuti Chiuta wabazgorenge mwarubiro chomene kuruska umo wakuyowoyera mu Mazgu ghake. Nanga wuri kutonda na kuvivya viri kupika na Yesu Khristu (1 Bakorinte 15.57; Yohane 5.24; Baroma 8.35-39; Baefeso 1.3), tikukhumbikwa kusambira na umo tingarwera nkhondo, na umo tingarindizgira kuvivya kufuma kwa Chiuta. Bakhristu awo bazgoka sono, awo bayamba sono kwenda na Yesu, mbapafupi chomene kugongoweskeka na Satana na vyakuchitika pa umoyo wawo wa Chikhristu, chomene – chomene usange bakayamba makora kwenda na Yesu ndipo basangana na masuzgo pa kwenda kwawo. Masuzgo na viyezgo, nyengo zinyake vikubasuzga chomene na kumara nkhongono kwa awo mbakupurikana. Nanga ndi awo