Kurwa nkhondo ya Chipurikano

Chisambizgo cha chinkhonde na chitatu Virwero (Mahomwa) ivyo tikutebeteska • 125

mbakukhora chomene pa urendo wawo wa chikhristu, bakusangika kuti batondeka kurutirira chifukwa cha utesi na uchenjezi wa Satana. Kasi mukughanaghana kuti wakupurikana wakwenera kuchitachi apo wasangika kuti wakwenda mumasuzgo agho bakuwona kuti bangafumamoso chara, basangika kuti bawa mukwananga mwakuwerezga – werezga? Kasi mungamupharira vichi wakupurikana mwene uyo wakupurikana kuti nyengo iyo warimo njinonono ndipo nkhwambura machitiko kuti wafumemo? 3. “Chakuzirwa chomene pa nkhondo iyi nkhuzizipizga. Chakukhumbikwa chakwamba na chawumariro ntchakuti mungawereranga nyuma chara.” Pakuyowoyapo pa vyakurimbana navyo pakati pa khumbiro la thupi na khumbiro la Mzimu mukati mwithu, Paulosi wakabarembera ba Galatiya makani agha: Mungajipusikanga; Chiuta kuti nchindere chara. Munthu wati wavune icho wakumija. Usange wakumija ivyo vya thupi wati wavunenge nyifwa, ndipo usange wakumija vya Mzimu wati wavunenge umoyo wa muyirayra. Ntheura tireke kuvuka pakuchita uweme, chifukwa usange tikureka kugongowa tamkuba nayo vuna pa nyengo yakwenerera. Ntheura pose apo tasanga mwabi tibachitirenge uweme banthu wose, chomene – chomene awo mba Khristu wanyithu (Bagalatiya 6.7-10). Paulosi wakuyowoya kuti tikwenera kuvuka panji kuwa nkhumbi chara pakuchita uweme. Tingayowoyaso kuti, tikwenera chara kurekera panthowa, pambere tindasakate ivyo tiri kubikapo mtima chifukwa cha Chiuta. Paulosi mwakututuzgika na Mzimu Mtuba wakubamanyiska Bagalatiya kuti bati bavunenge usange bakuzizipizga usange bakureka kuvuka. Viweme vyose vikabarindizganga usange bakurindizga mwakufwasa na chikanga. Chakukhumbikwa chikaba chakuti nyengo zose babike panthazi chipurikano na kurimbikira. Kutokatoka kwawo mwa Fumu kuti nkhwawaka chara. Pakughanaghana na vya imwe mwabeneko, kasi mukughanaghana kuti ndi vichi ivyo vikumusuzgani chomene, pachanya pa vyose, ndipo vikumuchitiskani kuti mukhumbe kureka kusopa, na kuti mufumemo munkhondo iyi? Kasi mungachitachi kuti mukharirire munkhondo iyi kwambura kufumamo? Na kwimikana nayo Satana na wutesi wake wose mukati mukumuyezgani? Enya, mwachipurikano, muri kusuturika kufuma kuchisi kunjira kukungweruka mu Ufumu wa Yesu Khristu. Chifukwa cha makani agha, imwe ndimwe msirikari wa nkhondo iyi. Nanga wuri barwani bakukhumba kuti muwe, mutondeke kurwa nkhondo iyi kwizira mu mawutesi ghawo, mungasambira, mwachipurikano na mukachitiro,

Kukhwaskana