Kurwa nkhondo ya Chipurikano

Chisambizgo cha chinkhonde na chinayi Kuzizipizga uko tikurongora • 133

wakwenera kuzikitizga na kuzomerezga kuti umoyo uwu ngwakukura mwa pachoko-pachoko mwakufwasirira mwa Chiuta? 3. “Tikusambira kupurikira nga ndi umo Khristu Yesu wakachitira – kwizira mukukomwa na kusuzgika.” Chinthu chimoza, chinonono chomene icho munthu wakwamba sono chikhristu wakwenera kusambira na kumanya ntchakuti, chikhristu ntchipusu chara. Ntchakwenda muwupusu waka chara kwene mumasuzgo na mawunono. Nyengo zinyake tikuwona kuti tapusikika kwene timanye, nga ndi umo murembi wa Masalimo wakuyowoyera kuti, “Mawunono na kunyekezgeka kwa banthu barunji nkhunandi chomene, kwene Fumu yikubawombora muvyose (Masalimo 34.19). Usange tingaba banenesko, pa unthu withu wose tingatemwa kukhara umoyo wambura masuzgo, tingatemwa kukhara umoyo wa chipurikano wambura kusuzgika panji kujumpha mumawurwirwi ghari ghose. Kwene umoyo wachipurikano kuti ngwantheura chara, ngwakusuzga, kuyezgeka, kupusikika, kutinkhika na kunyozeka. Pachifukwa ichi tikwenera kuba bakuzizipizga, kupirira na kukhara umoyo wakurimbarimba munyengo zose. Ndipo usange mwazgoka sono, panji umoyo wa chikhristu muwusangenge kuti ngunonono chomene nakumubirani chinonono chomene kuti mukhare. Kwene mbumoyo uweme na wa chanduro chomene kuruska umoyo unyake wuriwose. Chakukhumbikwa nkhukhara mwachipurikano mwa Yesu Khristu nyengo zose. Mazgu gha Chiuta ghakutipanikizgira kuti, Yesu Khristu wakasambira umoyo wakujipereka na kuthera mwantheura: Pa umoyo wake mucharu pano pasi, wakapereka kwa Chiuta baDada, mwene uyo wakaba nazo nkhongono kumuthaska kunyifwa, malurombo, mabeyelero na masozi ghanandi chomene. Ndipo Yesu, wakapurikikwa chifukwa chakujipereka kwake na kujiyuyura mweneko ku baDada Chiuta. Yesu nanga wuri wakaba Chiuta, apo wakaba pa charu, wakasambira kujipereka mwamsuma, kwizira muvinthu ivyo wakasambira munyengo za masuzgo (Baheberi. 5.7-8). Kasi Yesu wangaba wuri chiyerezgero chithu muchigomezgo chinthu apo nase tikusambira kujikora na kupwerera munyengo ya masuzgo pa urendo withu wa chikhristu? Muchisambizgo chajumpha cha ( Mahomwa/Virwero ivyo tikutebeteska ) mukasambira na za virwero/mahomwa agho tikutebeteska. Muchisambizgo ichi, muchiskikenge kuzenga kuzizipizga kwinu na karutiriro ka kurwa nkhondo ya chipurikano. Pakuzizipizgira chinthu, tikwenera kuchimbirapo chara, tikwenera kubikapo mtima kurondezga ivyo ise tikupurikana na kugomezga. Tikwenera kuthera chara panji kuwa nkhumbi. Nanga wuri vibe vinono, vyakusuzga, tikwenera kuchita na nkhongono zithu zose na lwana

Chisambizgo