Kurwa nkhondo ya Chipurikano

134 • Kurwa nkhondo yiweme ya Chipurikano

lose mpaka tifiske. Tipurikiske na kukoreska marayizgo gha Chiuta na kugomezga kurongozga kwake munkhongono zake ruta – ruta swi. Kukoserezga, nkhungangangamira kwakufumira kwa Chiuta uko kuri mukati mwithu. Tikwenera kukoserezga, kungangamira, kujintcha na kuzizipizga apo tikukoreska na rwana lose apo tikurabiska kunthazi uko kuri chawanangwa chithu. Tikwenera kupanikizga kuti, “Nanga visuzge wuri, titayenge chara kujipereka kwithu muchipurikano chithu.” Kwizira muntchisko yakufumira kubakupurikana banyithu, lurombo mwakovwirika na Mzimu Mtuba, na chipurikano mu Mazgu gha Chiuta, tingarimbarimba mwakuti tisange urato withu mwa Khristu Yesu. Tingazirwiska kujipereka kwithu kukupharazga uthenga uweme na Ufumu wa Fumu yithu Yesu Khristu mwene uyo ngwa moyo, pekha – pekha tamanya kuyima na kuzizipizga. Tingamanya kutonda, usange tikureka kuwerera Nyuma. Kukoserezga mukurwa nkhondo iyi yiweme ya Chipurikano, ntheura, kungayaniskika na chiyerezgero cha musirikari, wakuchimbira, na mlimi (2 Tim 2.1-8). Basirikari bakwenera kusambira kukoserezga, na kuzizipizga munyengo zose, nyengo zinandi bakukhara kwambura vyakwenerezga kwa nyengo yitari, bakujipereka ku umoyo wunonono chomene. Banthu bazgaro la kuchimbira, bakusambira kuchimbira munyengo zinonono chomene, kujipata na kujinjizga mukusuzgika na apo bakwenelera chara. Mlimi wakurindilira vyakumera vyake kwanyengo yitari chomene nanga wuri bangasintha zinyengo izo vyakumera vyawo virimo chara. Na viyerezgero ivi, ise nase tikwenera kukoserezga na kuzizipizga. Tikwenera kuba bakunozgeka kuyezga vinthu, nanga titondeke nyengo zinyake, tikwenera kuyezga ndipera, pakumanya kuti pawumaliro pa vyose nkhondo yose nja Yehova. Tingamija mbuto, mwakuzikira, tisambire kurindizga pa Chiuta. Usange tachita ntheura, Chiuta watipenge vuna munyengo yake usange yafikapo. Lurombo ntchinthu chakuzirwa chomene panyengo ya nkhondo na mukuthandazga uthenga uweme wa Chiuta. Ntchakuzizwiska chara kuti lurombo lukufwa usange tikurizgora la kurombera bamumbumba yithu pera na kugota papo. Chiuta wari kutipa ise lurombo ngati ntchakurwera munyengo ya masuzgo na yakuzikizgika na pakurutirizga mlimo wa kuthandazga uthenga wa chiponosko.

~ John Piper. Let the Nations Be Glad . Grand Rapids, MI: Baker Academic, 2010, p. 65.