Kurwa nkhondo ya Chipurikano

140 • Kurwa nkhondo yiweme ya Chipurikano

kureka kupurikiskika kumaro gha ntchito, viyezgo pa umoyo wake, na vinandi vyantheura ivyo. Umoyo ukamba kumusuzga chomene kufumira apo wakazgokera. Masuzgo agha ghakamba kumuwiska nkhumbi munyamata uyu ndipo wakamba kuzizwa kuti kasi ndimo umoyo wa chikhristu ukubira ntheura. Pachifukwa cha vinthu ivyo wakakumananga navyo wakamba kughanaghana vyakuwerera Nyuma. Ukhaliro wake ukaba wakuruta munthazi na kuwerera nyuma nyengo zose. Wakamba kujifumba kuti kasi nkhubudiska mphani kuti umoyo ubenge wakuruta munthazi na kuwereraso Nyuma. Kwakuyana na mavesi agho muri kusambira, mungamusambizga vichi munthu wantheura uyu? 2. “Ine nkhuwona chara kuti ndingakhara wuri kwambura bakutemweka mwafumu awo ndiri nawo! Bakundipangiska kuti umoyo wane ukhare wakupambana chomene.” Yumoza mwa bakumugomezga Chiuta wakazgoka apo wakaba mu purizoni, ndipo wakati wafumamo, wakajipereka kumpingo. Wakatoranga nyengo yinandi na bakupurikana banyake ba mumpingo wura. Wakarutanga kumpingo kukasopa pamoza na banyake ndipo wakabapanga babwezi banadi chomene mwarubiro chomene. Wakajipereka kutebeta muvibaro vinandi chomene ndipo wakafumba kubariska pa makani ghanandi agho wakakumananga nawo pa umoyo wake. Kwa virimika vinandi, nkhumano iyi ya batuba mtima yikamunozgeranga chomene ndipo nyengo zose wakasangikangapo. Ndipo pakuwona umo Chiuta wakutebeteskera mliska na bakupurikana banyake, wakuyowoya wakati, “Ine nkhowona chara umo ine ndingafiskira umoyo uwu kwambura banyane mwa Chiuta aba! Bandovwira chomene. Uvwiri uwo bakupereka, chitemwa chawo, na visambizgo ndicho chifukwa ine nkhutemwera kumutebetera Chiuta.” Kasi nkhani ya chiyerezgero iyi yikumovwirani wuri kupurikiska mlimo uwo tiri nawo pa bakhristu banyithu mukuzizipizga kwithu mu chipurikano? 3. “Kasi vinthu vyambenge pawuri kusintha? Ine nakhara nkhusuzgika chomene na chiyezgo ichi kwanyengo yitari chomene. Vinthu vikusintha chara.” Nyengo zinyake umoyo wa chikhristu ukuwoneka kuti ukunozga chomene, kwizira muvisambizgo vipya na kutonda uko kukwiza kumoza na kunyake, kupereka mwa ise kutonda na minthondwe yinandi waka na kuzaya kunandi waka. Munyengo zinyake, ndipo wuri, umoyo ungaba wakuchedwa chomene na unonono chomene na wakusuzga wakuzura na vyakubinya na viyezgo ivyo vikutora nyengo yitari chomene kwambura kupumura. Bakupurikana bakusangika kuti bamba kudonda na kugongowa chifukwa cha urwirwi na vyakubinya ivyo bakujumphamo. Ghangaba matenda, kusoberwa, nyifwa, kutondeka uko kukwiza na kutondeka kujikora mutunthu tunyake. Chinthu chimoza chakuzirwa chomene kuti mkhristu wakure makora mu umoyo wa Uzimu, ntchakuti, mkhristu