Kurwa nkhondo ya Chipurikano

Chisambizgo cha chinkhonde na chinayi Kuzizipizga uko tikurongora • 141

wakwenera kusambira kurindirira kwa Chiuta pa umoyo wake, munyengo za masuzgo na mtende. Tikukhumbikwa Uchizi wa Chiuta kuti utijumphiske mu zinyengo zinonono ngati ndi izi mwakuti timanye kurimbarimba. Ichi ndicho chifukwa maruso (kuromba, kuzibizga, kusopa pamoza na banyithu) agho ghakuwuzimu ngakuzirwa chomene. Parije kanthu kuti tikupurikachi, panji na umo vinthu vikwendera, tikwenera kuzizipizga mukuromba, muwene na wene na bakupurikana banyithu mu mpingo, mu Mazgu gha Chiuta, mukwenda na Yesu. Kasi ntchifukwa wuri tikwenera chara kurekerera vinthu ivyo vyatizingizga kuti vitore maro mu kuzizipizga kwithu mu umoyo withu wa Uzimu? Kasi ntchifukwa wuri tikwenera kuzomerezga chara kuti vinthu ivyo vyatizingirizga, ivyo tikupurika, na vyakutichiruska, vititangwaniske panji vitirongozge mu umoyo withu mwa Khristu Yesu? Mbunenesko kuti, fundo yikuru chomene iyo yikovwira kuti munthu wakure mu umoyo wake wa uzimu njakuti mukhristu wakwenera kusambira kuzizipizga, kukhara wakutcheba, nakuti wareke kubuchizgika. Tikwenera kukoserezga, kuzizipizga na kurimbarimba mu chikhristu chithu mwakuti tikapoke njombe, nanga vingasuzga wuri. Kwene kanandi – kanandi tikuchita ntheura chara. Tikopa, tikuteruka na kuwa nkhumbi. Kwene usange tingagomezga banyithu, kusopa na kweghamira pa vyombo ivyo Chiuta wari kutipa tingamanya kutonda nyengo zose. Mzimu Mtuba wakutovwira na kutichiska. Mzimu wa Chiuta wakukharirira mwa ise, wakutebetera mwa ise pamoza na bakupurikana banyake, na kutikhozga mukukura kwithu kose. Mukhristu wari yose wakuzizipizga mumasuzgo ghose agho wakukumana nawo ndipo wariyose wakwenera kusambira kuzizipizga. Jisandeni ndipo mujiwone umo mukutorerapo lwande munyengo ya kupemphera, mukubazga mazgo, mukuwungana pamoza na banyinu mukusopa, kutcharichi/kasope. Kasi ndivichi ivyo Mzimu Mtuba wakukhumba kuti muchitenge mwakuti mukhozge katebetero kinu? Soranipo chimoza panji vibiri, romberanipo, ndipo mwambe lero lino, munkhongono ya Chiuta, kuzizipizga mukuyezgeka kwinu. Kumbukirani, kuti muri mwekha panji kurekeka mwekha chara; basambiri ba Yesu bakusambira kuzizipizga (2 Timoti 3.12), ndipo Fumu yiri namwe nyengo zose (Masalimo 27.1-3). Kwizira mu Fumu na munkhongono zake, mungazizipizga viyezgo na kumuchindika Yesu Khristu nyengo zose muvinthu vyose.

Kukhwaskana