Kurwa nkhondo ya Chipurikano

142 • Kurwa nkhondo yiweme ya Chipurikano

Masuzgo ghanandi agho tikukumana nagho ntchifukwa cha umo takharira munyengo zose zakunyuma. Nkhugomezga chara kuti banthu awo bazgoka bakuba na wofi kusangikaso mumaro ghakwananga panji muvinthu vyaunyankhasi. Banthu awo bakuti bazgoka, bakuwonekera munyengo ya kuyezgeka usange bari kuzgoka zanadi. Usange munthu wakuchimbira viyezgo panji nyengo ya masuzgo, wakuzakawonekera usange wapanikizgika chomene pa umoyo wake. Kanandi banthu bantheura aba bakukharirira chara muchipurikano. Mabuku ghanandi ghabazgika, ndipo nkhwantha zinandi zafumbikapo na kuyowoyapo, ndipo marurombo ghanandi ghaperekeka ndipo banthu bapanga udumuriro undandi waka kwene vyose vikutondeka usange mweneko munthu wandakhumbe kukhara umoyo wakuzizipizga. Chakukhumbikwa chomene nkhudumura kukhara umoyo wakufikapo pakujipereka kwa Chiuta. Nanga wuri nkhukumana na masuzgo ghanandi, ndiri kupika nkhongono za Mzimu Mtuba mwakuti ndikhare umoyo wakutcherebara, kuzizipizga mpaka kuwumaliro, na kovwira banyane kuti nawo bakhare umoyo wakukura mu uzimu. John Wesley (1703-1791), wakaba yumoza wa bana 19 awo bakababika kwa Samuel na Susanna Wesley (mama uyo wakaba chinkhara cha chipurikano). Apo wakaba wachari mwana muchoko pasukuru yawunkhwantha, iye pamoza na banyake bakakoreranako kujitorera ntchito yakuchiskana kukhara umoyo wawutozi, ndipo banthu banyake bakamba kubatya kuti “Methodists” (banthu bandondomeko) chifukwa chakutemwa kurondezga ndondomeko pakuchita vinthu. Nga mbapharazgi bakubikapo mtima chomene pa mlimo wakupharazga, awo bakabikapo mtima chomene pakupharazgira banthu bamukaya/mumizi, banthu bakujima mbiri ya vinthu bakumupa ntchindi pakuvikirira charu kukunangika na maruso ghaheni gha munyengo yira. Mlimo wake ukakharirira na kunyengo za kunthazi apo iye wati wafwa. Basambiri bake banandi bakatorera kachitiro kake kavinthu kuvyaru vinandi, na ku Amereka wuwo. ~ Richard Shelly Taylor. The Disciplined Life: Studies in the Fine Art of Christian Discipleship. Kansas City, MO: Beacon Hill Press, 1962, pp. i-ii.

Kukhozgera

Lurombo