Kurwa nkhondo ya Chipurikano

160 • Kurwa nkhondo yiweme ya Chipurikano

Chisambizgo chikuru chomene ntchakuti, banthu barabiske chomene pa wanangwa uwo Yesu wari kutitolera kwizira mu nyifwa yake na kuzguka kwake, na kubatikana kwithu na iyo. Tiri kusuturika kudango, nkhongono za kwananga na nyifwa, kukutunduzgika na kuwa nkhumbi chifukwa cha kwananga kwithu, na kukakika na dango. Tikutebetera Chiuta kufumira mukuwonga na Kurumba, na chikhumbokhumbo chakukhara mwa wanangwa mwa Yesu. Tikukhara mu wanangwa uwu mwakuti timukondweske Chiuta kwambura kujitorera wanangwa uwu na ulato wakubisama mukwananga kwene kumukwezga na kuthuwuska Chiuta. Apa ndipo banthu awo bakukhara mu maruso gha charu, kutorana banarume bekhabekha, banakazi bekha bekha, ukwakwa, uzaghari na vinandi vyantheura ivyo, kwene pakuyowoya bakuti bakupurikana na Yesu Khristu, bakuwonekera kuti bakwananga wanangwa uwo bari nawo mwa Chiuta chifukwa bakukhara umoyo wakuwaro kwa kutemwa Chiuta. Wanangwa mwa Yesu ntchimanyisko cha kukhara umoyo wakusangwa mwa Yesu apo tikurondezga khumbiro lake. Wanangwa mwa Yesu ukubabika banthu muwanangwa wene uwo ukubachiska kuti bakhare umoyo wakumopa Chiuta kwambura kukharaso mukwananga uko kukwiza na kukhozgeka soni panji kupatukana na Chiuta.