Kurwa nkhondo ya Chipurikano

Ndondomeko 173

Chinthu chikuru chomene chachipurikano chithu na kachitiro kithu vikarembeka na kwamba kutebeteskeka pa nyengo iyi ndipo vikukhumbikwa kurabiskikaso. Kutora, kuyaniska, na kurutiska mnthazi murimo wa Tjorhom wa fundo ya Mdauko Ukuru, nkhuremba pano ivyo nkhuwona kuti vikukhumbikwa kukoreranako kwithu na kutoraso makora Mdauko Ukuru uwu. 1. Mdauko wa Bapositore. Mdauko Ukuru uwu wuri kujinthika mu mdauko wa Bapositore, ndikuti, jiso la Bapositore pa ukaboni wawo na pa ivyo Yesu wakakumananga navyo Yesu wa ku Nazareta, mweneuyo wakabapa mazaza kufumira pa umoyo wake na milimo yake nga ndi umo bari kuvirembera mu Mazgu gha Chiuta, Baibulo. Mpingo wuri kuyima pa visambizgo vya Bapositore, kuzengeka pa lufura lwa Zintchimi na bapositore, na Khristu pa kona lwa lufura uru. Mazgu gha Chiuta paghekha ghari na katanthawuriro ka Ufumu wa Chiuta, nkhani ya makani gha chiponosko cha Chiuta, chitemwa chake icho chiri kubikika mu phangano kwa Abrahamu na basekuru bakurondezga pa iyo, mu maphangano na ivyo Israeyi wakakumana navyo, ivyo vikufiskikira mu uvumbuzi wa Chiuta mwa Yesu Khristu, nga ndi umo viri kuroskekera na Zintchimi na kurongosoreka muwukaboni wa bapositore. 2. Mphara za Umoza wa Mpingo na Vipurikano, chomene – chomene chipurikano cha ku Nayisiya. Mdauko Ukuru ukuphara unenesko na kupereka mpherekezgo za mbiri ya chipurikano nga ndi umo yiri kurongosorekera na kupanikizgikira mu vipurikano vya wene na wene vya Mpingo wambura kugabikana, pakurabiska chomene pa chipurikano cha ku Nayisiya. Fundo zake zikatoreka kuba karongosorero kaweme ka Mazgu gha Chiuta umo ghakarembekera na Bapositore pa ivyo tikugomezga. Nanga wuri kuti ndiro ndi jando la chipurikano chara, kuphara pakweru kwa vyachipurikano uku, kufumira mumphara izi, na vipurikano ivyo viri kurembeka, vikuyimira fundo na vikhomo vya chipurikano cha chikhristu na visambizgo vyake, 5 chomene chomene pambere nyengo ya mgonezi wa chinkhonde (fifth century). Fundo zikuru zikuru zikaba pa visambizgo vya kukhwaska Chiuta, Khristu, na chiponosko. 6

5 Fundo zinandi nkhazitora kufumira kwa chipondi Dr. Robert E. Webber pa fundo ya jando na kupambaniska pakati pa jando na vikhomo vya Chikhristu na katanthawuliro kake.

6 Nanga wuri vyakudumurika na mphara 7 vikuzomerezgeka na mpingo wa chikatorika na ba Or thodox kuba vyakuzomerezgeka na kupanikizga, ndi mphara zinayi zakwamba izo zikutoreka kuti ivyo ziri kudumura ndi vyakwenerera. Ine na nkhwantha zinyane tikuzomerezga chomene fundo izi chifukwa vyakurembeka vinayi vyakwamba ivyo vikuzunura chomene vya za utatu wa Chiuta, kwiza kwa Chiuta mu wunthu, chipurikano chithu (cf. Philip Schaff, The Creeds of Christendom , v. 1. Grand Rapids: Baker Book House, 1996, p. 44). Nanga ndi awo bakiziska kusintha pa