Kurwa nkhondo ya Chipurikano

176 • Kurwa nkhondo yiweme ya Chipurikano

kwa Ufumu mucharu ( sacramentum mundi ), nakuba ntchindamira ya unenesko. Nga ndi ukaboni wa Ufumu wa Chiuta na Mazgu gha Chiuta, Mpingo wuri kurangurikira kurongosora makora na kuvikilira chipurikano icho chiri kuperekeka ku Mpingo na Bapostore liro mwaka. Pawumaliro: Pakusanga vyakunthazi kwithu pakurabiska kunyuma Munyengo iyo banthu banandi mbakutimbanizgika na viwawa vya banthu awo bakujirongora kuti bakuyowoya unenesko wa Chiuta, ndi nyengo yakuti tisangeso unenesko wa Chipurikano chithu, kuwerera kumtendeko wa chipurikano cha chikhristu, maruso ghithu, na kurabiskaso, fundo zose, ndipo tingamanya kusangaso vipanikizgo vithu mukusopa Chiuta mwa Khristu na kuba basambiri awo bakasintha charu. Mukaghanaghaniro kane, ivi vingamanya kuchitika usange tingasanda, kujinthika kwa uthenga uweme pa ntchindamira ya chipurikano na machitiro agho ndi jando la Mdauko withu, kwari ndi Chikatorika, Anglican, Othodox. Kweniso, midauko yinyake yirutirezgenge kupenjerezga kukonkhoska na kuba bakukoreska kujipereka kwawo pa Bamazaza na Mdauko (Mazgu gha Chiuta) na Mdauko Ukuru kwizira mukusopa, visambizgo, na kutebetera. Midauko yithu yakupambana pambana, usange yajinthika mukarongosorero ka Mazgu agha Chiuta mwakurongozgeka na Mzimu Mtuba, yakurutirizga kupanga uthenga uweme kuba wakungweruka mumidauko ya banthu, pakuyowoya chigomezgo mwa Yesu Khristu mu maruso na kabiro kapya ako kari mukati mwabanthu muzinyengo zakupambana pambana. Midauko yithu ndi maruso ghakakhariro ka banthu muvigomezgo vyawo, ndikuti ghakuyezga kupereka ungweru kubanthu, Mazaza gha Midauko munthowa yakugomezgeka na kufikapo pakurongozgera banthu kuchigomezgo mwa Yesu Khristu. Tikwenera, ntheura, kusanga nthowa zakuchiskira midauko yithu pakubatikana na kuyinjizga muchipurikano chithu na maruso ghithu na Mdauko Ukuru. Tingaruwanga chara chikhristu, chisinkho chake, mbukaboni wukuru chomene wa chiponosko cha Chiuta mu mbiri ya charu. Mwantheura, tikwenera kuba banthu awo bakupenjerezga kusanga vyakunthazi kwithu pakurabiska kunyuma zithu muzinyengo za uvumbuzi na kutebeta apo muwuso wa Chiuta ukabikika pakweru kwizira mukwiza kwa Yesu Khristu muthupi, phamphu, kuzguka kwa Yesu Khristu, kukwera kwake na kwizaso kwake mucharu. Tiyeni tikumbukire, tisangwe, tingweruske, tisambireso chipya – chipya na mwamphu wose tiphare ivyo bakuprikana bari kuphara pakweru kufumira panyengo ya dindi la mwazi – makani gha chiponosko gha Chiuta mwa Yesu Khristu wa kuNazareta, mweneuyo wari kwiza kuponoska na kujiwomborera banthu iyo mweneko.