Kurwa nkhondo ya Chipurikano

Ndondomeko 175

kakatoreka na kukhozgeka mumpingo wakare, upharazgi, chisopo, na kuchitira ukaboni kwake. Lero, kwizira mundondomeko na maruso gha Mpingo muchirimika, Mpingo ukuzomerezga, kusangwa, na kukoreska na kukwezga kuvivya kwa Yesu Khristu: kubwangandurika kwa kwananga na uheni na kuwezgekera kwa chirengiwa kwa Chiuta. 5. Uwenekoneko wa Mpingo. Mdauko Ukuru ukuphara pakweru kuti Mpingo mbanthu ba Chiuta. Wupu wa bakupurikana, pasi pa urongozgi wa Mliska Yesu Khristu, mbubapo na wimiliri wa Ufumu wa Chiuta pa charu. Mukusopa kwake, wene na wene, chisambizgo, kutebeta, na kuchitira ukaboni, Yesu wakurutirizga kukhara wamoyo na kurutiska mnthazi Ufumu wake. Mdauko Ukuru ukukhozga kuti Mpingo kwizira muwurongozgi wa bariska na usofi wa batuba wose, ndi mwakukhara mwa Chiuta mu uzimu mucharu lero, ndipo Yesu ndi libwe la pachingodya cha lufura, ndiyo wakukora nyumba yose ndipo nyumba yikukura na kuzgoka kuba nyumba yakupaturika ya Fumu, Mpingo ndi nyumba ya Chiuta, thupi la Khristu, na tempire la Mzimu Mtuba. Bakhristu wose, bamoyo na bakufwa, na awo bachari bandababike – bakupanga mbumba yimoza yabatuba, bakuchemeka kuti bakupaturika ba Chiuta. Apo bakukumana muwupu wa bakusopa, banthu bamumpingo wa Chiuta, kumusopa Chiuta kwizira mu mukugabana Mazgu gha Chiuta, Masakaramente na kuchitira ukaboni wa Yesu Khristu mu mirimo yake yiweme, na kuthandazga kwa uthenga uweme bakuchita mwakukhozgera Mdauko Ukuru uwu. Bakupurikana bakunjizgika mumpingo wa Chiuta kwizira mu wu bapatizo, Mpingo ukukoreska, umoyo wa Ufumu wa Chiuta mu wene na wene, na kurongora kabiro ka Khristu mukendero, mu mazgu na mumachitiro na utebetero mucharu. 6. Umoza mu chipurikano. Mdauko Ukuru ukukhozga kwambura kuwezgako umoza wa Mpingo wa Yesu Khristu, mwakuti ukukhwaskika na kusunga umoza na kurutirizga chisopo na visambizgo vyakwenelera vya Chiuta (Theology) kwa miwiro yose (Mpingo wose mucharu mwachisanisani). Pakuti pari chigomezgo chimoza pera, ntchemo yimo, na chipurikano chimoza pera, Mdauko Ukuru uwu uli kurwa na kukuzga umoza mu mazgu, chisambizgo, muchisopo na mu katebetero ka lusungu. 7. Languro la Yesu Khristu mweneuyo wari kuwuka kubakufwa, kumpingo. Mdauko Ukuru ukukhozga ranguro la bapostore wakumanyiska vyaru kuvivya kwa Chiuta mwa Yesu Khristu, kupharzga uthenga uweme mwa uchizi mwachipurikano mzina lake, na kuchemera banthu wose kwa kuti banjire mu Ufumu wa Chiuta. Kwizira mu mirimo ya urunji na uweme, mpingo ukurongora umoyo wa mu Ufumu wa Chiuta mucharu lero, nakutiso kwizira mukupharazga kwake na umoyo pamoza, vikupereka ukaboni na vimanyikwiro vya kusangika