Kurwa nkhondo ya Chipurikano

38 • Kurwa nkhondo yiweme ya Chipurikano

kukutemwa charu kuya kukutemwa Chiuta na Ufumu wake. Kugomezga, nkhuzgokera kwa Chiuta kufuma kukutemwa charu, kusintha dera na kuba na Bwana munyake, ufumu unyake, na umoyo unyake. Yesu wari kwiza kuti wabwangandure mirimo ya Satana, kubika banthu muwubare wakwenerera na Chiuta ndiposo na kuwezgeraso banthu na vinthu vyose ku muwuso wa Chiuta mu Ufumu wake. Chiuta wakutiponoska mwa Uchizi wake, kuti ntchifukwa chakupurikira dango lake chara, panji chifukwa cha urunji na mirimo yithu chara. Tikuwezgekera ku ubare wakwenerera na Chiuta chifukwa cha lusungu lwake, kwizira mwa Yesu mwene uyo wari kukomwa mumaro ghithu. Sono pakuti tiri kuponoskeka, tiri kurembeka mu wupu wa nkhondo ya Chiuta pa kurwa na ufumu wa Satana. Unenesko ngwakuti, ntchemo ya chiponosko ndi ntchemo yakutichemera ise kukunjira muwupu wa bankhondo wa Fumu na kurwiskana na charu chakumidima, nkharo yithu yakwananga, na Satana. Para tagomezga, Chiuta wakupa chididimizgo cha Mzimu Mtuba mwene uyo wakukhara mwa ise kuba chikhore cha umoyo wamuyirayira. Mzimu Mtuba wakutipasa ise nkhongono, urongozgi, na kutenerezga kumusopa na kumuchindika Chiuta na kumutebetera. Mzimu Mtuba ntchikhore cha ivyo wari kutisungira munthazi mwa Yesu Khristu apo wamukwizaso. Vyakuharira vithu mwa Yesu Khristu: kugowokereka kwa zakwananga, kuwomboreka kuzakwananga na kuufumu wa Satana na nkhongono zake, kupika nkhongono za kumutebetera Chiuta na kuchita khumbiro lake apo tikukhara umoyo wa chiKhristu. Tikukoreranako na Mzimu Mtuba pakukoreska unenesko wa Mazgu gha Chiuta, pakusintha kufuma kukujiyowoyera uheni, vyawutesi, kukujiyowoyera unenesko mwakukoreranako na Mazgu gha Chiuta. Tiri bakurengeka chipya-chipya mwa Yesu, ndipo sono tikwenera kuzomerezga ivyo Mazgu gha Chiuta ghakuyowoya kuti ndiwo unenesko pa vyakumanyuma, na vyakunthazi kwithu. Tiriso bazga ba ufumu wakuchisi chara, tiri kufumiskikako kuchisi cha Satana; tiri kunjizgika mu Ufumu wa Chiuta, uwo ngwa ungweru. Bakuwombokwa ba Chiuta bakwenera kuyowoya mwakuzgomerezga (Masalimo 107.1-3)! Ndondomeko izo mukwenera kubazga na kurangurukirapo umo muri vyakukhozgera ivyo mwasambira ndi izi: Yesu wa ku Nazareta: Mweneko wa Vyakunthazi (Ndondomeko. 4) Makani gha Chiuta: Misisi yithu yakupaturika (Ndondomeko. 5) Kufumira kunyuma kuya kunthazi (Ndondomeko. 6) Mzgezge na vyeneko-neko (Ndondomeko. 7)

Ndondomeko