Kurwa nkhondo ya Chipurikano

Chiambizgo cha Chibiri Kujipereka kwithu • 39

Ku wose awo bari kumupokelera wari kubapa mazaza ghakuchemeka bana ba Chiuta. (Yohane 1:12).

Fundo zikuru-zikuru

Nkhani ya Chiyerezgero

Bazgani ndipo rangurukirani nkhani ya chiyerezgero iyi na chisambizgo chake ndipo mupereke mazgoro pakurabiska fundo na visambazgo ivyo viri mumakani agho mwasambira mu vesi lapachanya apo. 1. “Pasono nkhuwona kuti ndiri wakutonda chara.” Bakhristu banandi awo bayamba sono, bakwamba ulendo wawo wa chiKhristu na nkhongono kweniso na kukondwa chomene. Kwene mwakanyengo kachoko-choko waka bakusangana na mawunono chifukwa chakurimbana na kwananga, ndipo bakukhozgeka soni chomene. Bakwamba na nkhongono zose kwene bakuzizikika, ndipo bakuwa nkhumbi na kuwerera nyuma mu chipurikano chifukwa bakuwona kuti chiKhristu kuti ntchipusu chara ngati ndi umo bakapharirikira. Wakuzizwa kuti bakuyezgeka na uzukusi, bakukwiya, bakutondeka kutonda kwananga, mbadokezi ndipo mbakujikuzga. Bakujifumba, kasi kutonda na kuvivya uko tikapharirika kurinkhu? Kasi ntchifukwa wuri pemphero likuzgoreka kamoza na kamoza chara? Usange Chiuta wari kumphepete yane ntchifukwa wuri nkhusuzgika? Kasi mungamukhwimiska wuri munthu uyo wasuzgika na ulendo wachiKhristu mwene uyo wari na mafumbo ngati ndi agha, mwene uyo wakutambura ndipo wakuwona kutonda mu umoyo wake chara? 2. “Kasi ndingamanya wuri mwakupanikizga kuti ndiri kugowokereka?” MuKhristu wari yose uyo wakukura sono muchipurikano, wasangikenge na kudonda, nkhayiko yakupurikiska kuti wari kuponoskeka za nadi panji chara. Nanga wuri mbanthu awo bari kupereka umoyo wawo kwa Chiuta, pakanyengo kanyake bati baghanaghane, kuyowoya na kuchita vinthu vyambura kukoreranako na umoyo wawo upya mwa Khristu. Nyengo zinyake vinthu ivi, pa ulendo wa chiKhristu, vikupangiska kuti bakayikire kuti bari kuzgoka nadi. Pakuzura na wofi na nkhayiko, bakuchichizgika kufumba Chiuta kuti wabaponoske kabiri-kabiri. Bakusoberwa upanikizgi wakuchiponosko pera chara, kweniso bakupurikiska chara usange Chiponosko ntcha zanadi. Kasi vesi ilo mwabazga pachanya apo likumusambizgani kuti wuri na za kutonda nkhayiko za nthena izi? Kasi munthu uyo wazgoka sono wangavwirika wuri kuti wapanikizge kuti wari kuponoskeka za nadi, kwambura kurabiska umo bakupurikira mukati mwawo ( 1 Yohane 5.11-13)? 3. “Ntchakuzukumiska chomene. Sono pakuti ndiri wakuponoskeka mwa uchizi, ndingachita chiri chose icho nkhukhumba. Ndiri mwanangwa!” Panyengo yimoza, munthu wakubabikaso sono, wakasambizgika na umo Baibulo likuyowoyera na za uchizi, urunji wa Khristu na umoyo wamuyira-yira. Mumaro mwakumupanga